• Latest news

Ինչով են վտանգավոր պոտենցիայի համար նախատեսված սննդային «բնական» հավելումները

12 դեկտեմբերի, 2018  23:49

Շատերին թվում է, թե սննդային «բնական» հավելումները, այդ թվում նրանք, որոնք նախատեսված են պոտենցիայի բարձրացման համար, առողջության համար անվտանգ են։ Ավաղ, դա այդքան էլ այդպես չէ։ Այդպիսի միջոցները կարող են ոչ միայն վնասել, այլեւ նույնիսկ սպանել մարդուն։

Ամերիկյան Food and Drug Administration-ի համաձայն՝ 146 տարբեր արտադրողների 776 սննդային «բնական» հավելումների մեջ պարունակվել են սինթետիկ նյութեր կամ դեղամիջոցներ, որոնք դրանց բաղադրության մեջ նշված չեն եղել։ Այդ մթերքների մեծ մասը «ցուցված» են պոտենցիայի բարձրացման կամ նիհարելու համար։

Կոնեկտիկուտ նահանգի համալսարանի դեղագործության ամբիոնի վարիչ Մայքլ Ուայթը հաստատում է, որ նման միջոցների չարաշահումը հղի է տարբեր լուրջ խնդիրների առաջացմամբ, մինչեւ անգամ՝ մահվան ելքով։

Ուայթի խոսքերով, ձեռք բերելով պոտենցիայի համար միջոցներ՝ մարդիկ չեն գիտակցում, թե որքան վտանգավոր կարող են լինել նման խթանիչները, եւ ինչ վտանգի են ենթարկում իրենց առողջությունը։

«Այնպիսի միջոցներ, ինչպիսին են Viagra-ն, Levitra-ն կամ Cialis-ը՝ նիտրոգլիցերինի եւ այլ դեղամիջոցների հետ միասին, զգալի ազդեցություն են ունենում անոթների վրա։ Երկու միջոցների համադրումը կարող է հանգեցնել արյան ճնշման կտրուկ իջեցմանը, որից հետո կարող է հոսպիտալացման կարիք առաջանալ։ Բացառված չէ նաեւ մահվան ելքը»,- նշել է դեղագործը։

Գիտնականը խորհուրդ է տալիս մինչեւ դեղատներում պոտենցիայի համար միջոցներ ձեռք բերելը անպայման խորհրդակցել բժշկի հետ։ Հատկապես, ըստ նրա, վտանգավոր են Ասիայում արտադրված հավելումները՝ դրանք, որպես կանոն, վատ են մաքրված եւ կարող են մեծ վտանգ ներկայացնել։

«Մեծ զգուշավորություն է առաջացնում Դեպոկսետինի ընդունումը, որը կարող է հրահրել սերոտոնինային վտանգավոր սինդրոմի զարգացում։ Սա ուղեկցվում է բարձր ջերմությամբ, մկանների խոշտությամբ, ցնցումներով եւ երիկամների վնասվածքներով»,- զգուշացրել է մասնագետը։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է