Շոկոլադը միակ մթերքը չի, որը ուժեղացնում է լիբիդոն եւ օրգանիզմին էներգիա հաղորդում: Ձեր ուշադրությանն ենք ներկայացնում եւս մի քանի մթերք, որոնք պետք է ներառել օրաբաժնում, եթե ձմեռը բացասաբար է ազդել ոչ միայն ձեր տրամադրության, այլեւ լիբիդոյի վրա:
Դդմի սերմեր
Դդմի սերմերում մեծ քանակությամբ ցինկ, մագնիում եւ օմեգա 3 ճարպաթթուներ կան: Դդմի սերմերը հակաօքիդանտային, հակահիպերտոնիկ եւ կարդիոպաշտպանական ազդեցություն ունեն. դրանք լավացնում են արյան շրջանառությունը, ամրացնում են օրգանիզմը եւ հիանալի ազդեցություն ունեն սեռական գործառույթների վրա:
Կտավատի սերմեր
Կտավատի սերմերը վաղուց են հայտնի իրենց հակաօքիդանտային հատկություններով եւ արյան հոսքը կոնքի շրջանում ավելացնելու ունակությամբ:
Կտավատի սերմերը լիգնաներ են պարունակում՝ էստրոգենանման քիմիական նյութեր, որոնք հակաբորբոքային, հակաբակտերիալ եւ հակաքաղցկեղային ազդեցություն ունեն: Բացի այդ նրանք նաեւ օմեգա 3 ճարպաթթուների հիանալի աղբյուր են:
Ոստրե
Ոստրեներն արդեն վաղուց աշխարհի ամենահայտնի աֆրոդիզիակների թվում են: Դրանք հարուստ են ցինկով՝ սեռական կյանքի որակի բարձրացման հիմնական հանքանյութով: Բանն այն է, որ ցինկն օգնում է օրգանիզմին տեստոստերոն արտադրել՝ հորմոն, որն անհրաժեշտ է լիբիդոյի համար: Այն նաեւ անհրաժեշտ է վահանաձեւ գեղձի հորմոնների սինթեզի համար:
Նուռ
Նուռը հագեցած է պոլիֆենոլներով, որոնք նվազեցնում են հիպերտոնիայի, սրտի հիվանդույունների եւ կաթվածների զարգացման վտանգը: Նռան հատիկները նաեւ թուլացնում են արյունատար անոթները եւ լավացնում են արյան շրջանառությունը:
Ավոկադո
Ավոկադոն պարունակում է վիտամին E՝ գլխավոր հակաօքսիդանտ, որը լայնացնում է արյունատար անոթները եւ նվազեցնում սրտանոթային հիվանդությունների վտանգը:
Ավելին՝ համարվում է, որ այն նվազեցնում է սերմնաբջիջների ԴՆԹ-ի վնասման աստիճանը, ուստի տղամարդկանց, ովքեր ցանկանում են հայր դառնալ, խորհուրդ է տրվում իրենց օրաբաժնում ավելի շատ ավոկադո ներառել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր