• Latest news

35-ամյա տղամարդը ստիպված է ապրել մեխանիկական սրտով (ֆոտո)

14 դեկտեմբերի, 2018  20:33
35-ամյա Ջերեմի Ուայթը, որը վայրի բնության պայմաններում ողջ մնալու հարցերի հրահանգիչ է, ստիպված է ապրել մեխանիկական սրտով:

2015 թվականին ծնկի ոչ բարդ վիրահատությունից հետո բժիշկները նրա մոտ ախտորոշել են վերջին փուլում գտնվող սրտային անբավարարություն, հայտնում է The Daily Mail-ը: Սա նշանակում էր, որ Ջերեմին սրտի փոխպատվաստման կարիք ուներ: Այս վիրահատության համար հերթագրվելու անհրաժեշտությունը հաշվի առնելով՝ բժիշկները ժամանակավորապես նրա մարմնում մեխանիկական սիրտ են տեղադրել (LVAD):

LVAD-ը ձախ փորոքի համար օժանդակ սարք է, որը պատվաստվում է սրտի տակ եւ նրան է միանում խողովակով, որը արյունն ուղղում է աորտա:

Սարքը տեղադրելու համար պահանջվել է 9 ժամ տեւած վիրահատություն: Ջերեմին ստիպված է հետը ունենալ մարտկոց, եւ յուրաքանչյուր 10 ժամը մեկը LVAD-ը վերալիցքավորել: Դրանից բացի, տղամարդը ստիպված է ընդունել արյունը ջրիկացնող դեղեր, որպեսզի նվազեցնի թրոմբի զարգացման հավանականությունը:

Ջերեմին խոստովանում է, որ իր կյանքում կատարված փոփոխություններին դժվար էր հարմարվել, եւ նրան անգամ հետվնասվածքային սթրեսային խանգարում են ախտորոշել:

«Սակայն հիմա չեմ կենտրոնանում, թե ինչ չեմ կարող անել, դրա փոխարեն կենտրոնանում եմ նրա վրա, թե ինչ կարող եմ անել: Դա ծանր է, որովհետեւ ժամանակին ժայռ էի մագլցում, իսկ հիմա աստիճաններով բարձրանալը ինձ շնչահեղձ է անում»,- ասել է նա:

Անկախ ամեն ինչից, տղամարդը ձգտում է պահպանել դրական տրամադրվածությունը եւ ապագային նայել:

«Աշխարհում վատ բաներ են պատահում, եւ մենք, ցավոք, չենք կարող դա փոխել: Սակայն մենք կարող ենք փոխել մեր արձագանքը դրան: Հույսը չկորցնելու համար, պետք է ինչ-որ ավելի մեծ բան գտնել, քան ինքդ ես, եւ հանուն դրա ապրել»,- նշում է նա:

 

Source: The Daily Mail

Photos: MDWfeauters/ Jeremy White

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է