• Latest news

Գեները կանանց օգնում են տղամարդկանցից ավելի երկար ապրել

18 դեկտեմբերի, 2018  13:30

Պարզվել է, որ կանանց կյանքի տեւողությունը ծրագրավորված է գենետիկ մակարդակում: Այս եզրահանգմանն են եկել ամերիկացի գիտնականները, հաղորդում էAging Cell-ը:

Գենետիկաբաններին հաջողվել է պարզել, որ տղամարդկանց եւ կանանց կյանքի տեւողության  տարբերությունը գեներից է կախված: Բանն այն է, որ կանանց մոտ գենի լրացուցիչ կրկնօրինակ կա, որը դանդաղեցնում է ծերացումը:

Հետազոտության շրջանակներում գենետիկաբանները երեք տարի ուսումնասիրել են մի խումբ մկների, այդ թվում մոդիֆիկացված ԴՆԹ-ով (XX-քրոմոսոմներով արուների եւ  XY-քրոմոսոմներով էգերի):

Նշենք, որ բնության մեջ կաթնասուն էգի բնորոշ հատկանիշ է համարվում ХХ քրոմոսոմային զույգի առկայությունը, իսկ արուի մոտ՝ XY-ի:

Պարզվել է, որ կրծողների կյանքի տեւողությունը կախված էր ոչ թե սեռից, այլ քրոմոսոմների հավաքածուից: Այսպես, գենետիկորեն մոդիֆիկացված արուները եւ սովորական ХХ էգերն ավելի երկար են ապրել, քան գենետիկորեն մոդիֆիկացված էգերը եւ սովորական արուները:

Ընդ որում լրացուցիչ Х քրոմոսոը արուներին այդքան լավ չէր պաշտպանում մահից, քան էգերին: Ըստ գիտնականների տվյալ հանգամանքը կարող է վկայել էգերի հորմոնների եւ ձվարաններում այլ ազդանշանային մոլեկուլների դերի մասին, որոնք դանդաղեցնում են ծերացումը եւ երկարացնում են կյանքը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է