• Latest news

Խորհրդավոր կերպով անհետացել է 11-ամյա աղջկա գլխուղեղի ոչ վիրահատական ուռուցքը (ֆոտո)

19 դեկտեմբերի, 2018  18:56

Անհավանական պատմություն է տեղի ունեցել 11 տարեկան Ռոքսի Դոսսի հետ. հունիսին աղջկա մոտ ախտորոշվել է գլխուղեղի ոչ վիրահատական ուռուցք, որն այնուհետեւ ամբողջությամբ անհետացել է: Բժիշկները տեղի ունեցածի բացատրություն չունեն, սակայն փաստը մնում է փաստ՝ ուռուցքից հետք էլ չի մնացել:

Հունիսին Ռոքսիի մոտ ուժեղ գլխացավեր են սկսվել եւ մշտական հոգնածություն: Բժիշկների ախտորոշումը մխիթարական չէր՝ գլխուղեղի ցողունի դիֆուզիոն ուռուցք (DIPG): Սարսափելի ախտորոշումը հաստատվել է 5 տարբեր կլինիկաներում:

Ճառագայթային թերապիայի գրեթե եռամսյա կուրս անցնելուց հետո պարզվել է, որ ուռուցքն ամբողջությամբ անետացել է: Այս բացահայտումը բժիշկներին իսկական շոկի է մատնել:

DIPG-ը քաղցկեղի շատ հազվագյուտ եւ ագրեսիվ տեսակ է, որը սովորաբար հանդիպում է 5-ից մինչեւ 9 տարեկան երեխաների շրջանում: Այս տեսակի ուռուցքները տեղադրված են գլխուղեղի հիմնի եւ ողնաշարի վերին մասի մոտ:

DIPG-ը ժամանակի ընթացքում ազդում է հիվանդի սրտի զարկերի, կլլման, տեսողության եւ հավասարակշռության վրա: Այս տեսակի քաղցկեղով մարդկանց մեծամասնությունն ապրում է առաջնային ախտորոշման հաստատումից հետո միայն 9 ամիս:

Որոշ մասնագետների կարծիքով՝ քաղցկեղային ուռուցքի անհետացման պատճառը կարող էր լինել օրգանիզմի հզոր իմունային պատասխանը: Մինչդեռ, հաշվի առնելով DIPG-ի ագրեսիվությունը՝ աղջիկը ստիպված է ստանալ իմունաթերապիայի լրացուցիչ կուրս՝ քաղցկեղային նոր բջիջների աճը կանխելու համար:

Ռոքսին առողջանալուց հետո աշխատում է վայելել կյանքի յուրաքանչյուր րոպեն եւ վերադարձել է իր սիրած զբաղմունքին՝ ձիավարությանը:

 

Source: The Daily Mail

Photos: @Facebook

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է