• Latest news

2018 թվականի ամենասեքսուալ նորությունները

4 հունվարի, 2019  22:52

2018 թվականը հարուստ էր սեքսի հարցերին նվիրված ամեն տեսակի հետազոտություններով:

Կենտրոնական Լանքաշիրի եւ Լիդսի համալսարանների (Մեծ Բրիտանիա) գիտնականները որոշել են հետազոտություն անցկացնել ինտիմ մերձության ժամանակ կանանց տնքոցների թեմայով: Գիտնական ամուսինների եզրահանգումներն անսպասելի էին՝ հետազոտողները պարզել են, որ կանանցից շատերը սկսում են բարձրաձայն տնքալ, որպեսզի զուգընկերոջը հրահրեն սեռական ակտն ավարտել:

Միաժամանակ Օրեգոնի եւ Վաշինգթոնի համալսարանների հետազոտողները աշխատանքի արտադրողականության բարձրացման հաճելի միջոց են գտել: Պարզվել է՝ առավոտյան սեքսը մեծացնում է աշխատունակությունը եւ բարելավում կատարած աշխատանքի որակը:

Սակայն ոչ բոլորն են համակված կրքին տրվելու ցանկությամբ, թեկուզ եւ հանուն աշխատանքի: Այսպես՝ վիրտուալ շոփինգի հանդեպ սերը այնպես է կլանել 2000-ականների սերունդին, որ շատերը պատրաստ են սեքսից հրաժարվել, միայն թե չզրկվեն Amazon կայքին հասանելիությունից: Նման զոհողության պատրաստ է գնալ սոցհարցման 18-ից մինչեւ 34 տարեկան մասնակիցների 44 տոկոսը:

Գիտնականները, սակայն, կոչ են անում չշտապել հրաժարվել ֆիզիկական հաճույքներից: Պարզվել է՝ տարեց տարիքում կյանքից բավարարվածության մակարդակն անմիջականորեն կապված է ակտիվ ինտիմ կյանքի հետ: Իրեն երջանիկ զգալու համար տարեց տղամարդկանց դեպքում բավական է ամսական երկու անգամ սեքսով զբաղվելը: Մինչդեռ կանայք ավելի շատ հետաքրքրված են համբույրներով եւ զգայական մերձավորությամբ:

Կարող է տարօրինակ թվալ, բայց զուգընկերոջ հասակը կարող է ազդել սեռական կյանքի որակի վրա: Պարզվել է, որ բարձրահասակ մարդկանց 58,3 տոկոսը բավարարված է իր սեռական կյանքով: Մինչդեռ հարցման ցածրահասակ մասնակիցների շարքում այս ցուցանիշը կազմել է 50.3 տոկոս:

Եվս մեկ «ելակային» հետազոտություն. ծնողներ դարձած զույգերի ամուսնական սեքսը տեւում է միջինը 2 րոպե 15 վայրկյան: Այս մասին են վկայում հարցման տվյալները, որն անցկացրել է ChannelMum.com-ը:

Գիտնականները 2018 թվականին առաջ են քաշել փոքր-ինչ տարօրինակ վարկած այն մասին, թե ինչպես կարելի է որոշել կնոջ սեռական կողմնորոշումը, ըստ որում՝ առաջին հայացքից: Մասնագետների կարծիքով՝ դրա համար բավական է նայել ձախ ձեռքի ցուցամատին եւ մատնեմատին: Նրանք, ում ցուցամատի եւ մատնեմատի երկարությունները տարբեր են, ավելի հաճախ են ոչ ավանդական կողմնորոշում ունենում: Ուշագրավ է, որ տղամարդկանց դեպքում համանման փորձարկումը ձախողվել է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է