• Latest news▼

Կուլ տված ատամմաքրիչը հայտնվել է 61-ամյա կնոջ լյարդում

1 հունվարի, 2019  21:12

Բեյրութից 61-ամյա կինը պատահաբար կուլ է տվել ատամմաքրիչը, որը ծակելով նրա աղիները, հայտնվել է լյարդում։

Կինը, ում անունը չի նշվում, երկու ամիս ամբողջ մարմնի մեջ ցավեր է զգացել, եւ միայն հետո, վերջապես, որոշել է դիմել հիվանդանոց։ Saint Georges Hospital University Medical Center-ում սկսել են նրան հետազոտել, սակայն երկար ժամանակ այդ ցավերի պատճառը չեն գտել։ Նույնիսկ ամենացավոտ որովայնի խոռոչի ՈՒՁՀ-ն ոչինչ ցույց չի տվել։

Միայն այն բանից հետո, երբ կնոջը ԿՏ են արել, նրա լյարդի վրա բժիշկները երեք սանտիմետրանոց բորբոքված վնասվածք են հայտնաբերել, կարծես լյարդն ինչ-որ բանով ծակել են։ Բորբոքումներ են եղել նաեւ լյարդի եւ աղիների միջեւ։ Կնոջը հակաբիոտիկներ են նշանակել, սակայն երկու շաբաթում դրանք որեւէ արդյունք չեն տվել։ Ավելին, ՄՌՏ-ն ցույց է տվել, որ բորբոքված մասերի մակերեսը չափերով մեծացել է։

Այդ ժամանակ բժիշկները որոշել են վիրահատել հիվանդին, որպեսզի հասկանան, թե ինչ է նրա հետ կատարվում։ Վիրահատության ընթացքում նրանք կնոջ լյարդի մեջ ատամմաքրիչ են գտել, որն, ինչպես պարզվել է, ծակել է աղիները, այնուհետեւ՝ լյարդը։

Այս դեպքի մասին զեկույցը հրապարակվել է Clinical Case Reports-ում։

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է