Մահ՝ շան ձագի կծելուց․ բժիշկները կատաղության ախտանիշները շփոթել են տագնապի նոպայի հետ

9 հունվարի, 2019  09:38

65-ամյա կինը մահացել է կատաղության վարակից այն բանից հետո, երբ յոգա-րեթրիթին մասնակցելու համար Հնդկաստան ուղեւորության ժամանակ նրան կծել է շան ձագը։

The Daily Mail-ը հայտնում է, որ կծելուց վեց շաբաթ անց կինը, որի անունը չի նշվում, ուժեղ ցավ եւ այրոց է զգացել, ինչպես նաեւ՝ շնչահեղձություն, անհանգստություն եւ հեղուկ խմելիս դժվարություն։ Նա իր հայրենի Վիրջինիայում դիմել է բժիշկներին՝ ենթադրելով, որ թունավորվել է տոքսիկ նյութերից։

Բժիշկները նրան դեղեր են նշանակել եւ տուն ուղարկել, սակայն հենց կայանատեղիում նա կլաուստրոֆոբիայի ուժեղ նոպա է ունեցել, այնքան ուժեղ, որ չի կարողացել շնչել։ Կինը վերադարձել է հիվանդանոց, սակայն բժիշկները որոշել են, որ նրա մոտ տագնապային գրոհի նոպա է, եւ կրկին հրաժարվել են հոսպիտալացնել։

Հաջորդ օրը կնոջ վիճակը վատացել է։ Նրա ամուսինը բժիշկներին պատմել է Հնդկաստանում շան ձագի կծելու մասին՝ նշելով, որ տեղում նրան որեւէ դեղամիջոց չեն առաջարկել, այլ միայն օգնել են մշակել վերքը։

Կատաղության ախտորոշումը կատարվել է շատ ուշ, եւ հաջորդ երկու շաբաթներին կինն այնքան է թուլացել, որ հարազատները նրան միացված կենսապահովման սարքն անջատելու որոշում են կայացրել։

Դեպքը տեղի է ունեցել 2017թ․, սակայն այդ մասին միայն այժմ է հայտնի դարձել։

Փորձագետները զգուշացնում են, որ Հնդկաստանում գրանցվել է աշխարհում շների կատաղության ամենաբարձր մակարդակը։ Սրա հետ կապված՝ ճանապարհորդներին խորհուրդ է տրվում Հնդկաստան մեկնելուց առաջ կատաղության դեմ պատվաստում կատարել, մանավանդ այն դեպքում, եթե պլանավորված միջոցառումները բաց երկնքի տակ են (հեծանվավազք, քարանձավների դիտում եւ այլն)։

 

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի