• Latest news

Ալցհեյմերի հիվանդության դեպքում «մարզումների հորմոնը» հիշողությունը կարող է բարելավել

9 հունվարի, 2019  11:57

Իրիզին հորմոնը եւ նրա նախորդ սպիտակուց FNDC5-ը, որը մկաններում արտադրվում է ֆիզիկական վարժությունների ժամանակ, Ալցհեյմերի հիվանդության դեպքում հիշողությունը բարելավում է: Այս մասին նշված է Nature Medicine-ի նոր հրապարակման մեջ:

Հետազոտության հեղինակների՝ Բրազիլիայից, ԱՄՆ-ից եւ Կանադայից մասնագետների խոսքով, որոնց ղեկավարում է Ռիո դե Ժանեյրոյի համալսարանից Ֆերնանդա դե Ֆելիչեն, իրիզին հորմոնը բարելավում է սպիտակուցների սինթեզը հիպոկամպի նեյրոններում, ինչի շնորհիվ դադարում է ուղեղում բետա-ամիլոիդների կուտակման պրոցեսը եւ միանում է ազդանշանային ուղին, որն ազդում է հիշողության ձեւավորման վրա:

Պեպտիդային հորմոն իրիզինը խթանում է ճարպային հյուսվածքի քայքայման պրոցեսները: Այն ձեւավորվում է FNDC5 նախորդ սպիտակուցից, որը մկաններում եւ ուղեղում սինթեզվում է ֆիզիկական ակտիվության ժամանակ: Համենայնդեպս, այդպես է տեղի ունենում մարդու եւ մկների ուղեղում:

Գիտնականները հայտնաբերել են, որ երկար ժամանակ Ալցհեյմերի հիվանդությամբ տառապող մարդկանց ուղեղում FNDC5-ը եւ իրիզինը 2 անգամ ավելի քիչ են սինթեզվում, քան առողջ մարդկանց ուղեղում: Երբ մկների հետ կատարած փորձերում գիտնականները կենդանիների ուղեղում անջատել են FNDC5 սպիտակուցի սինթեզը, նրանց հիշողությունը վատթարացել է, նվազել է նաեւ սովորելու ունակությունը (կրծողները վատ են կատարել նոր օբյեկտները ճանաչելու խնդիրները): Իսկ երբ Ալցհեյմերի հիվանդությամբ տառապող կրծողներին իրիզին են ներարկել, հիշողության եւ սինապտիկ պլաստիկության ցուցանիշներն անմիջապես աճել են:

Գիտնականները հիշեցնում են, որ ֆիզիկական մարզումները նպաստում են հիշողությունը բարելավող իրիզին հորմոնի արտադրմանը FNDC5 նախորդ սպիտակուցի սինթեզի միջոցով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել