• Latest news

Շտապ բուժօգնության ստանդարտներում կարող են փոփոխություններ կատարվել

10 հունվարի, 2019  13:07

Շտապ բուժօգնության ստանդարտներում (ՇԲՍ) կարող են փոփոխություններ կատարվել: Այս մասին NEWS.am Medicine-ի հետ զրույցում հայտնեց «Շտապ օգնություն» ՓԲԸ տնօրեն Թագուհի Ստեփանյանը:

Նա նշեց, որ օրական 950 կանչի սպասարկումը՝ 160 հիվանդի հոսպիտալացման պարագայում վկայում է այն մասին, որ կանչերի մեծ մասը չի վերաբերում անհետաձգելի շտապ օգնությանը: Մինչդեռ «Շտապ օգնության» ծառայությունն առաջնահերթության կարգով պետք է կատարի հենց անհետաձգելի կանչերը: Նրա խոսքով՝ այս հարցը պետք է լուծվի համատեղ ուժերով, այդ թվում՝ Հայաստանի Առողջապահության նախարարության մասնակցությամբ:

«Պետք է քննարկվեն ունեցած բոլոր տեղեկություններն ու թվերը: Պետք է փոփոխություններ կատարվեն նաեւ մեր ստանդարտների մեջ: Անհրաժեշտ է հասկանալ, թե որքանով կարող ենք նվազեցնել «Շտապ օգնության» կանչերի ընդհանուր թիվը, քանի որ եթե մենք գնում ենք կանչով, որտեղ հիվանդը գանգատվում է գլխացավից, կարող ենք չհասցնել լինել անհետաձգելի կանչով սրտի կամ գլխուղեղի կաթվածով հիվանդի մոտ»,- շեշտեց Ստեփանյանը:

Նա, միաժամանակ, դժվարացավ կոնկրետ ժամկետներ հայտնել՝ նշելով մանրակրկիտ աշխատանք կատարելու անհրաժեշտության մասին: «Այսօրվա դրությամբ այդ հարցը քննարկումների փուլում է»,- տեղեկացրեց Ստեփանյանը:

Նախկինում առանձին ծրագրի շրջանակում «Շտապ օգնության» կանչերը բաժանված էին հրատապության կարգերի, ինչը հաշվի առնելով՝ հաստատվել էր կարգավարից կանչը ստանալու պահից մինչեւ պացիենտի գտնվելու վայր ՇԲՍ բրիգադի ժամանման ժամանակը:

«Մինչդեռ կանչերի թվի մեծացումը հիվանդների փոքրաթիվ հոսպիտալացմամբ արդեն այն մասին է խոսում, որ մենք հաճախ այն կանչերը չենք սպասարկում, որոնք վերաբերում են անհետաձգելի վիճակներին»,- նշեց Ստեփանյանը: Նրա խոսքով՝ դրա պատճառն այն է, որ բնակչությունը առողջական խնդիրների դեպքում առաջին հերթին «Շտապ օգնությանն» է դիմում, այլ ոչ թե պոլիկլինիկաներ կամ իր ընտանեկան բժշկին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է