• Latest news

Հազվագյուտ խանգարմամբ կինը տղամարդկանց ձայները չի լսում (ֆոտո)

11 հունվարի, 2019  17:22

Չինաստանի հանգստավայրային Սյամին քաղաքից կինը բախվել է լսողության հազվագյուտ խանգարման. նա չի կարողանում լսել տղամարդկանց ձայները, բայց կանացի ձայները լսում է:

Լսողության հետ կապված խնդիրը հանկարծակի է առաջացել. կինը, որի միայն ազգանունն է հայտնի՝ Չեն, մի օր առավոտյան արթնացել է ու հասկացել, որ ընկերոջ ձայնը չի լսում, որը փորձում էր նրան ինչ-որ բան ասել:

Վախեցած կինը դիմել է հիվանդանոց, եւ բժիշկները փորձել են պարզել նրա խլության պատճառը: Չենն արդեն հիվանդանոցում հասկացել է, որ լսում է իգական սեռի բժիշկների ձայները, բայց տղամարդ բժիշկներին չի լսում:

Չինուհու մոտ մասնագետներն ախտորոշել են ցածր հաճախականության լսողության կորուստ, ընդ որում՝ նրա մոտ պահպանվել է բարձր հաճախականության ձայները տարբերակելու ունակությունը: Այս դեպքն իսկապես հետաքրքիր է, քանի որ ավելի հաճախ հանդիպում են լսողության խանգարումներ, որոնց դեպքում մարդը լսում է ձայնի ցածր տոնը, իսկ բարձրը՝ ոչ:

Լսողության կորուստի այսպիսի անսովոր ձեւերի զարգացման պատճառները գիտությանն անհայտ են, բայց ենթադրվում է, որ լսողության կորուստ կարող է լինել սթրեսի պատճառով կամ գենետիկ արմատներ ունենալ:

Հայտնի է դարձել, որ տեղի ունեցածից մեկ օր առաջ չինուհին տառապել է սրտխառնոցով եւ ականջներում զնգոցով, բայց նա դրան հատուկ նշանակություն չի տվել: Կինը համոզված էր, որ լավ եւ երկարատեւ քունն իրեն կազատի բոլոր խնդիրներից: Հենց այն բանից հետո, երբ Չենը լիարժեք քնել է, նա հասկացել է, որ ընկերոջ ձայնը չի լսում:

Ցածր հաճախականության լսողության կորուստը բավականին խնդրահարույց է ախտորոշել, քանի որ ահռելի թվով բժիշկներ, ներառյալ անգամ փորձառու օտոլարինգոլոգները դրա գոյության մասին երբեք չեն լսել: Իսկ շատ ավելի բարդ է այն բուժելը, քանի որ ավանդական լսողական սարքերը չեն օգնում, քանի որ դրանք սովորաբար հաշվարկված են բարձր հաճախականության ձայները որսալու համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է