• Latest news

Ճարպակալումն ազդում է ուղեղի վրա՝ կրճատելով գորշ նյութի ծավալը

11 հունվարի, 2019  18:43

Ճարպակալումը եւ գորշ նյութի ծավալի կրճատումը փոխկապված են: Այսպիսի եզրակացության են հանգել Լոնդոնի Համալսարանական քոլեջի եւ Լաֆբորոյի համալսարանի հետազոտողները:

Հետազոտության շրջանակում վերլուծվել են UK Biobank Study նախագծից 9652 մարդու տվյալները: Հատուկ ուշադրություն է դարձվել այնպիսի ցուցանիշներին, ինչպես մարմնի զանգվածի ինդեքսը, իրանի եւ ազդրերի ծավալի հարաբերակցությունը, ինչպես նաեւ ճարպի ընդհանուր զանգվածը:

Արդյունքում հաջողվել է պարզել, որ փորձարկվողների մոտ 19 տոկոսը ճարպակալմամբ է տառապում: Գիտնականները նրանց ուղեղի աշխատանքն ուսումնասիրել են ՄՌՏ միջոցով՝ այդ ընթացքում գնահատելով գորշ եւ սպիտակ նյութի ծավալը: Դրանից բացի, բոլոր կամավորներին հարցրել են սովորությունների եւ նրանց կենսակերպի մասին:

Պարզվել է, որ ճարպակալմամբ տառապող մարդկանց ուղեղում գորշ նյութի ծավալն ավելի փոքր է, քան նորմալ կազմվածքով անձանց դեպքում: Այսպես՝ մարմնի զանգվածի ստանդարտ ինդեքսով մարդկանց մոտ գորշ նյութի ծավալը կազմել է 798, մի փոքր բարձրի դեպքում՝ 793, իսկ ահա ճարպակալմամբ անձանց դեպքում՝ 786:

Ընդ որում՝ գորշ նյութի ծավալի նվազումը դիտվել է հիմնականում աբդոմինալ ճարպակալմամբ մարդկանց մոտ, որի դեպքում ավելցուկային ճարպային հյուսվածքը կուտակվում է փորի շրջանում:

Գիտնականները, միաժամանակ, առայժմ դժվարանում են հրապարակել ավելորդ քաշի եւ ուղեղի «չորացման» միջեւ հայտնաբերվասծ փոխկապվածության ստույգ պատճառները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է