• Latest news

Ամուսինը կնոջ վրա սուրբ ջուր է լցրել՝ ուռուցքի ախտանշանները որպես դիվահարություն ընդունելով

15 հունվարի, 2019  15:10

39-ամյա Լորինա Գուտիերեսի ծանր հիվանդությունը ամուսինը ընդունել է որպես դիվահարություն:

The Daily Mail-ը հայտնում է, որ 3 երեխաների մայրը հոգեբուժարանում է հայտնվել, երբ նրա մոտ զգայախաբություններ եւ փսիխոզ են սկսվել: Բժիշկները եւ նրա մերձավորները չէին կասկածում, որ նրա հիվանդագին վիճակի պատճառը ձվարանների քաղցկեղն է, որի հետեւանքով զարգացել էր աուտոիմունային էնցեֆալիտ:

Արդյունքում կինը զրկվել է քայլելու, խոսելու եւ ինքնուրույն սնվելու ունակությունից: Բժիշկները կարծում էին, թե նրա մոտ նյարդային խափանում է, իսկ նրա ամուսինը՝ 42-ամյա Սթիվենը, նրան նույնիսկ սուրբ ջրով էր ցողում՝ կարծելով, թե նա դիվահարվել է: Նրա խոսքով՝ Լորինան զառանցում էր, սկսել էր վախենալ տանը տեղադրված տեսահսկման խցիկներից եւ փորձում էր տանից փախչել: Առավոտյան այցելած բժիշկը, կնոջը նման վիճակում տեսնելով, սկսել է ազգականներից հետաքրքրվել՝ արդյոք Լորինան թմրանյութեր եւ ալկոհոլ չի ընդունում:

Արդյունքում կնոջը տեղափոխել են հոգեբուժարան՝ դեպրեսիայի կամ նյարդային խափանման կասկածանքով: Սակայն մանրամասն հետազոտությունից հետո բժիշկներին հաջողվել է հայտնաբերել աուտոիմունային էնցեֆալիտը, ինչպես նաեւ դրա զարգացման պատճառը՝ ձվարանների 15 սմ-անոց ուռուցքը: Լորինան ենթարկվել է նորագոյացության հեռացման վիրահատության, ինչպես նաեւ ստերոիդներով եւ պլազմոֆերեզով (արյունը վերցնում, մաքրում եւ վերադարձնում են) բուժման կուրս է ստացել:

Վերապրածից հետո Լորինան որոշել է ամուսնու հետ զբաղվել աուտոիմունային էնցեֆալիտի մասին բնակչության իրազեկվածության մակարդակի բարձրացմամբ:

Աուտոիմունային էնցեֆալիտը կարող է հիվանդի մոտ առաջացնել ջղակծկումներ, փսիխոզ, ագրեսիա եւ խուճապի նոպաներ, ինչպես նաեւ ազդում է շարժողական եւ խոսքի ֆունկցիաների վրա: Ամեն տարի աշխարհում գրանցվում է այս վիճակի մինչեւ 90 հազար դեպք:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է