• Latest news

Վերջին 10 տարիներին Հայաստանում մարդու էխինոկոկոզի դեպքերի թիվն ավելացել է

16 հունվարի, 2019  15:08

Վերջին 10 տարիներին Հայաստանում մարդու էխինոկոկոզի դեպքերի թիվն ավելացել է: Հունվարի 16-ին մամուլի ասուլիսին այս մասին ասաց Հայաստանի վիրաբույժների ասոցիացիայի նախագահ Մուշեղ Միրիջանյանը:

Տվյալ հիվանդությունը բնորոշվում է լյարդում, թոքերում կամ այլ օրգաններում եւ հյուսվածքներում մակաբուծային պարկի առաջացմամբ: Հարուցիչը Echinococcus granulosus (ժապավենաձեւ որդերի տեսակ) էխինոկոկի թրթուրային փուլն է: Էխինոկոկոզը մարդուն փոխանցվում է կենդանիներից: Վարակի աղբյուր կարող են լինել շները, ինչպես նաեւ գյուղատնտեսական կենդանիները:

Միրիջանյանը նշեց, որ էխինոկոկոզի դեպքերի աճը կապված է բացառապես սանիտարահիգիենիկ պայմանների խախտման հետ: Օրինակ, դա վերաբերում է անասունների սպանդի եւ մսի կտրատմանը:

«Անթույլատրելի է, երբ այդ գործընթացն իրականացվում է փողոցային պայմաններում», - ընդգծեց նա:

Նրա խոսքով՝ էխինոկոկոզով հիվանդացության առավել մեծ աճը նկատվում է վերջին երկու տարիներին:

«Օրինակ, եթե 90-ականներին լյարդի էխինոկոկոզի վիրահատությունը ես ամիսը մեկ անգամ էի անում, ապա հիմա՝ 9-10 անգամ: Եվ ես հաշվի չեմ առնում այլ վիրաբույժների կողմից  էխինոկոկոզի դեպքում կատարած վիրահատությունները», - տեղեկացրեց Միրիջանյանը:

Առողջապահության համաշխարհային կազմակերպության տվյալներով՝ էխինոկոկկոզն ամեն տարի աշխարհում գրանցվող մահվան 19 300 դեպքերի պատճառն է: ԱՀԿ-ն, միաժամանակ, նշում է, որ կենդանիների շրջանում կիստոզային էխինոկոկկոզի համաճարակային վերահսկողություն իրականացնելը դժվար է, քանի որ տնային անասունների եւ շների մոտ ինֆեկցիան առանց ախտանշանների է ընթանում:


Հիվանդացության հետ կապված իրավիճակը կարելի է բարելավել շների պարբերական ճիճվաթափման, սպանդանոցներում հիգիենայի (ներառյալ վարակված թափոնների պատշաճ վերացման) բարելավման ճանապարհով:


Ալվեոլային էխինոկոկկոզի կանխարգելումն ու դրա դեմ պայքարն ավելի դժվար է, քանի որ դրա փոխանցողներն են վայրի կենդանիները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել