Հայաստանում հոգեբուժական կլինիկաների հիվանդների շրջանում կանցկացվի հեպատիտի հայտնաբերման սկրինինգային ծրագիր

Մոտ ապագայում Հայաստանում նախատեսվում է անցկացնել սկրինինգային ծրագիր, որը կօգնի բացահայտել հեպատիտ B-ն եւ C-ն՝ հոգեբուժական կլինիկաների հիվանդների մոտ: Այս մասին լրագրողներին տեղեկացրել է Հայաստանի հեպատոլոգների ասոցիացիայի նախագահ Հասմիկ Ղազինյանը:

Նրա խոսքերով, հոգեբուժական հիվանդություններով հիվանդները մտնում են ռիսկային խմբի մեջ, քանի որ նրանց դիսպանսերացման ժամանակահատվածը սովորաբար բավական երկար է տեւում, եւ ռիսկ կա, որ բուժման ընթացքում կատարված բժշկական մանիպուլյացիաների ընթացքում նրանք կարող են վարակվել վիրուսային հեպատիտով, այդ թվում՝ գործիքների միջոցով, եթե դրանք պատշաճ կերպով չեն ախտահարվում:

Հասմիկ Ղազինյանի խոսքերով, մոտակա 10 օրվա ընթացքում փորձագետները «Նուբարաշեն» կլինիկայի 400 հիվանդներից արյան նմուշներ կվերցնեն եւ լաբորատորիա կտանեն, որտեղ դրանք կստուգվեն: Արդյունքները հայտնի կդառնան շատ շուտով:

Սկիրինգային ծրագիրը ֆինանսավորվում է Հայաստանի հեպատոլոգների ասոցիացիայի կողմից, իսկ այն կանցկացվի «Նորք» ինֆեկցիոն հիվանդանոցի հետ համատեղ:

Ապագայում, համատեղ ծրագրերի շրջանակներում, նրանք նախատեսում են նմանատիպ ծրագիր անցկացնել մաշկաբանական եւ սեռական ճանապարհով փոխանցվող հիվանդություններով հիվանդների շրջանում, քանի որ նրանք նույնպես մտնում են վանգավոր խմբի մեջ: Բացի այդ, սկրինինգի շրջանակներում նախատեսվում է ստուգել հեպատիտի առկայությունը նաեւ 1000 առողջ քաղաքացիների մոտ, որոնք հաշվառված չեն եւ չեն ներառվում ռիսկի խմբում:

Նման ծրագրերը կօգնեն ոչ միայն հայտնաբերել հեպատիտով հիվանդներին, որոնք դեռեւս չեն կասկածում, որ վարակված են, եւ ժամանակին սկսել նրանց բուժումը, այլեւ ավելի լավ հասկանալ երկրում համաճարակային իրավիճակը:

Հետևեք NEWS.am Medicine-ին Facebook-ում և Twitter-ում