Եթե մարդն օրական 25-30 գրամ վերամշակված միս է ուտում, նրա մոտ կրծքի քաղցկեղի զարգացման վտանգը 9 տոկոսով մեծանում է ի տարբերություն նրանց, ովքեր ամեն օր 5 գրամից ոչ ավել նման մթերք են օգտագործում: 15 մետա-անալիզների վրա հիմնված այս եզրակացությունը հրապարակվել է International Journal of Cancer Research ամսագրում:
Պարզվել է, որ ուռուցքների զարգացումը կարող է վերամշակված մսում նատրիումի նիտրատի (Е250) առկայության հետեւանք լինել: Այս բաղադրիչը հանդիպում է երշիկներում, նրբերշիկներում, ապուխտում, հոթ-դոգերում, ապխտած մսում, մսային պահածոներում եւ մսային սոուսներում:
Վերամշակված են համարվում այն մսամթերքները, որոնք պաստարստված են աղի, պահածոյացման, ապխտման կամ այլ մեթոդներով, որոնք կիրառվում են համի ուժեղացման եւ մթերքի ժամկետի երկարարցման համար:
Այլ հետազոտությունների համաձայն օրվա ընթացքում 50 գրամ վերամշակված մսի օգտագործումը 18 տոկոսով մեծացնում է կոլորեկտալ քաղցկեղի վտանգը: Փորձագետները նաեւ զգուշացնում են շագանակագեղձի եւ ենթաստամոքսային գեղձի քաղցկեղի մասին:
Այսպիսով նոր հետազոտությունները գնալով ավելի շատ են հայտնաբերում վերամշակված մսի եւ քաղցկեղի զարգացման բարձր վտանգի միջեւ կապը: Քաղցկեղի զարգացման վտանգի կրճատման համար մասնագետները խորհուրդ են տալիս օրաբաժնում վերամշակված մթերքենրի օգտագործումը նվազագույնի հասցնել, իսկ օրվա սննդի հիմք դարձնել մրգերը, բանջարեղենը, ամբողջական հատիկավորները, ձուկը, սպիտակ միսը եւ ընկույզները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր