Որոշ սննդամթերքներից ուղղակի անհնար է հագենալ․ բավական է դրանք փորձել եւ ուզում եք կրկին ու կրկին ուտել:
Ինչո՞ւ է դա տեղի ունենում:
Փորձագետների կարծիքով՝ ամենաուժեղ կախվածություն առաջացնում են այն մթերքները, որոնք ակտիվորեն խթանում են դոֆամինի արտադրությունը`հաճույքի հորմոն: Դրանք մթերքներ են, որոնք մեծ քանակությամբ շաքար, աղ եւ ճարպեր են պարունակում կամ այս բոլոր բաղադրիչները միասին:
Ձեր ուշադրությանն ենք ներկայացնում կախվածություն առաջացնող մի քանի մթերքներ․
Շոկոլադ
Որքան շատ եք այն ուտում, այնքան ավելի շատ եք ուզում: Շոկոլադը, բացի դոֆամինից, խթանում է ուղեղը`ավելի շատ օքսիտոցին արտադրելու համար, որը բարելավում է ինքնազգացողությունը, եւ յուրաքանչյուր նոր կտորն ուժեղացնում է ազդեցությունը: Շոկոլադից կախվածությունն ամենաուժեղ սննդային կախվածություններից է:
Գազավորված ըմպելիքներ
Գազավորված ըմպելիքները պարունակում են շատ շաքար եւ կոֆեին, եւ այդ պատճառով դրանք խթանում են դոֆամինի սինթեզը եւ ուժ տալիս: Հասկանալով, թե որքան հեշտ է այդպիսի դոպինգ ստանալը, օրգանիզմը շուտով ընտելանում է դրան եւ սկսում գազավորում «խնդրել»:
Նախուտեստներ
Դրանք ներառում են չիպսերը, սուխարիկները, կրեկերները եւ այլ մթերքներ, որոնք սովորաբար ուղեկցվում են ֆիլմ դիտելով: Այս բոլոր կերակուրները պարզ ածխաջրերի հարուստ աղբյուր են, որոնք առաջացնում են գլյուկոզայից արագ ազատում: Այդ գլյուկոզան եւս արագ սպառվում է, եւ արդյունքում նորից կարիք է առաջանում այն լրացնող սննդամթերքի։
Պաղպաղակ
Պաղպաղակի մեջ շաքարավազի, սերուցքի եւ կաթի համադրությունը տալիս է այն սերուցքային կառուցվածքը, որը ներգործում է ուղեղի վրա որպես ամենաուժեղ կախվածություն առաջացնող նյութ:
Կարտոֆիլ ֆրի
Դրա օգտագործումն առաջացնում է հաճելի զգացողություններ, քանի որ ուղեղի ընկալիչներն արձագանքում են ֆրիի մեջ եղած նյութին, որի հանդեպ նրանք շատ զգայուն են․ դրանք ճարպը, աղը եւ ածխաջրերն են:
Պիցցա
Գիտնականների ասելով, պանիրը պարունակում է կազոմորֆինի տակ գտնվող նյութ, որն ազդում է հաճույքի հորմոնների արտադրության վրա: Բացի այդ, այն շատ հարուստ է աղով եւ ճարպով: Միչիգանի համալսարանի ուսումնասիրության համաձայն, պիցցան ամենաշատ կախվածությունն է առաջացնում՝ այլ ճաշատեսակների համեմատ․ այն պարունակում է մի շարք բաղադրիչների համադրություն, որը խթանում է կախվածությունը՝ աղի պանիր, ածխաջրային խմոր եւ շաքար` տոմատի սոուսում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր