• Latest news

ՄՌՏ հետազոտությունն արդյոք անվտա՞նգ է դաջվածքներով մարդկանց համար

4 փետրվարի, 2019  17:34

Գիտնականները որոշել են պատասխանել հարցին, թե որքանով է անվտանգ դաջվածքներով մարդկանց համար ՄՌՏ հետազոտություն անցնելը: Բանն այն է, որ դաջվածքների թանաքը երկաթ է պարունակում, իսկ ՄՌՏ սքաների մեջ մագնիսական դաշտը 60 հազար անգամ գերազանցում է Երկրի մագնիսական դաշտի ցուցանիշները: Դրանից բացի, ՄՌՏ-ն փոփոխական մագնիսական դաշտ է գեներացնում մի քանի հարյուր մեգահերց հաճախականությամբ, իսկ դաջվածքի թանաքը օժտված է էլեկտրական հոսանքն անցկացնելու ունակությամբ:

Այս գործոնները հաշվի առնելով՝ մասնագետները Մաքս Պլանկի անվան կոգնիտիվ գիտությունների եւ ուղեղի մասին գիտությունների ինստիտուտից Նիկոլաուս Վայսկոպֆի ղեկավարությամբ որոշել են 330 մարդու մասնակցությամբ փորձ անցկացնել: Կամավորների մարմինների վրա ընդհանուր եղել է 932 դաջվածք, ընդ որում՝ յուրաքանչյուր դաջվածքի չափը 20 սանտիմետրը չի գերազանցել:

Պարզվել է, որ փորձարկվողների մեծ մասը ՄՌՏ սքանավորման հետ կապված ոչ մի կողմնակի էֆեկտ չի զգացել: Միայն մեկ մարդ է գանգատվել մաշկի ծակծկոցից, սակայն այս զգացողությունը 24 ժամում անցել է, ընդ որում՝ առանց բժշկի օգնության:

Հետազոտությունն անցկացվել է միայն կոնկրետ մոդելի ՄՌՏ սքաներներով, ինչը փոքր-ինչ սահմանափակում է ստացած տվյալները: Սակայն նույնիսկ չնայած դրան, գիտնականները նշում են դաջվածքներով անձանց համար ՄՌՏ հետազոտության անվտանգ լինելը:

Հետազոտությունը ներկայացված է New England Journal of Medicine պարբերականում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է