• Latest news

Կնոջ ականջը հեռացրել են, քանի որ բուժող բժիշկը 5 տարի մաշկի քաղցկեղը շփոթել է գորտնուկի հետ (ֆոտո)

7 փետրվարի, 2019  10:53
43-ամյա Անտեյա Սմիթը դարձել է բժշկի չիմացության զոհը, որը 5 տարի չի կարողացել մաշկի քաղցկեղը գորտնուկից տարբերել: The Daily Mail-ը հայտնում է, որ ընդհանուր պրակտիկայի բժշկի անփութության պատճառով կինն արդյունքում զրկվել է ականջից եւ հիմա ստիպված է հատուկ պրոթեզ կրել:

Ամեն ինչ սկսվել է ոչ մեծ կոշտացումից, որն արդյունքում սեւ-դարչնագույն ուռուցքի տեսքով տարածվել է ամբող ականջի վրա: 2015 թվականին կատարված բիոպսիայով հայտնաբերվել է երրորդ փուլում գտնվող մելանոմա: Անտեյան ստիպված էր 2 վիրահատության ենթարկվել եւ ստանալ ճառագայթային թերապիայի 32 սեանս:

Երրոդ փուլում գտնվող մելանոմայի դեպքում ապրելիությունը կազմում է 5 տարի: Անտեյան նշում է, որ սխալ ախտորոշման պատճառով ինքը բուժման համար անհրաժեշտ թանկարժեք ժամանակ է կորցրել: «Բժիշկները զարմացած էին, որ քաղցկեղը իմ ուղեղ չէր տարածվել»,- նշել է նա:

Վիրաբուժական ճանապարհով հեռացրել են կնոջ արտաքին եւ ներքին ականջը, ավշահանգույցները, թքագեղձերը եւ քունքոսկրի մի մասը: Վերքը փակելու համար վիրաբույժներն օգտագործել են Անտեայի աջ ոտքի եւ ազդրի մաշկը: Կնոջ համար բուժումը հեշտ չի եղել՝ նա սարսափելի նիհարել է: Դրանից բացի, հավասարակշռությունը պահպանելու խնդիր ունի եւ բերանի մեջ մշտական չորություն:

Կինը վախենում է քաղցկեղի կրկնվելուց եւ աշխատում է օրը լիարժեք ապրել: «Ես գիտակցում եմ, որ հնարավոր է՝ չտեսնեմ, թե երեխաներս ինչպես են ամուսնանում»,- խոստովանում է նա:

Source: The Daily Mail

Photos: Kennedy News and Media

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է