• Latest news

«Տրոյական ձին» կդառնա քաղցկեղի դեմ նոր զենք

9 փետրվարի, 2019  20:58

Գիտնականները քաղցկեղի դեմ նոր դեղ են մշակում՝ յուրատեսակ «տրոյական ձի», որը ուռուցքի վրա է հարձակվում ներսից՝ քաղցկեղի աճը կանգնեցնելով կամ դանդաղեցնելով: Բարձիթողի չարորակ նորագոյացությունների 6 ձեւերի բուժման ժամանակ այն միանգամայն տպավորիչ արդյունքներ է ցուցադրել:

Դեղը «տրոյական ձի» են անվանում, որովհետեւ չարորակ նորագոյացությունները դրա բաղադրիչները նախապես չեն ընկալում որպես ինչ-որ վտանգավոր բան եւ չեն պաշտպանվում. նրանք թույլ են տալիս դեղին թափանցել ներս, որից հետո դեղամիջոցը սկսում է գործել ներսից՝ հարձակվելով ուռուցքի վրա, կանգնեցնելով դրանց աճը կամ այն դանդաղեցնելով:

Տիզոտումաբ վեդոտին կոչվող դեղամիջոցը խոստումնալից արդյունքներ է ցույց տվել բարձիթողի հիվանդության 6 ձեւերով, այդ թվում՝ արգանդի վզիկի, միզապարկի, ձվարանների եւ թոքերի քաղցկեղով պացինետների մոտ:

Հետաքրքիր է, որ այս դեղամիջոցը տվել են «անհուսալիների» կարգի պացիենտներին, որոնք այլեւս բուժման ոչ մի ուրիշ տարբերակ չունեին: Այս դեպքում նոր դեղամիջոցի կիրառումը թույլ է տվել կա՛մ ուռուցքների չափերը փոքրացնել, կա՛մ դրանց աճը կանգնեցնել:

Չնայած ուռուցքաբանությունը վերջին տասնամյակում տպավորիչ արդյունքների է հասել տարբեր ուռուցքների դեմ պայքարում, քաղցկեղը շարունակում է սպանել հարյուր հազարավոր մարդկանց: Նոր դեղամիջոցի արդյունավետությունը, որը ներերակային ներարկվում է 3 շաբաթը մեկ, փորձարկվել է ուշ փուլերում գտնվող ուռուցքներով 147 պացիենտի վրա: Դեղն արդյունավետ է եղել միզապարկի քաղցկեղով հիվանդներից 27 տոկոսի, արգանդի վզիկի ուռուցքներով հիվանդների 26,5 տոկոսի, կերակրափողի եւ թոքերի քաղցկեղով պացիենտների 13 տոկոսի դեպքում: Վերջապես, դեղամիջոցն օգնել է էնդոմետրիայի բարձիթողի ուռուցքների զոհերից 7 տոկոսին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է