• Latest news

Մարդու օրգանիզմում նախկինում անհայտ 2000 մանրէ են հայտնաբերել

12 փետրվարի, 2019  15:20

Եվրոպացի կենսաինֆորմատիկները սենսացիոն բացահայտում են արել. նրանք կարողացել են մարդու աղիքներում  նախկինում անհայտ ավելի քան 2000 մանրէների տեսակների հետքեր հայտնաբերել:

 Nature ամսագրում հրապարակված հետազոտությունում նշվում է, որ հայտնաբերված բակտերիաներից շատերը գտնվել են Հարավային Ասիայի եւ Աֆրիկայի շատ բնակիչների աղիքների միկրոֆլորայի նմուշներում: Ըստ գիտնականների՝ սա վկայում է այն մասին, որ Երկրի տարբեր տարածաշրջանների բնակիչների միկրոբիոտում տարբերությունների մակարդակը կարող է զգալիորեն թերագնահատվել:

Մինչդեռ մասնագետները նշում են, որ այս տարբերությունը հարկավոր է հաշվի առնել տարբեր հիվանդությունների տարածման վերլուծության ժամանակ, որոնք անմիջականորեն կապված են ստամոսքի եւ աղիքների միկրոֆլորայի վիճակի հետ:

Ընդհանուր առմամբ հետազոտության շրջանակում բրիտանացի գենետիկաբանները ուսումնասիրել եւ համեմատել են մետագենոմի 12 հազար նմուշ, ինչի արդյունքում հաջողվել է վերակառուցել բակտերիաների մոտ 40 հազար լիարժեք եւ եւս 52 հազար մասնակի գենոմներ: Այնուհետ միկրոֆլորայի մանրէների արդեն հայտնի ԴՆԹ նմուշների հետ համեմատական վերլուծություն է կատարվել, ինչն էլ օգնել է հայտանբերել նախկինում անհայտ մանրէները:

Հինքսթոնի (Բրիտանիա) Սանգերի համալսարանից Թրեւոր Լոուլին հույս է հայտնել, որ նման հետազոտությունները կօգնեն հասկանալ աղիքների եւ ստամոքսի տարբեր հիվանդությունների զարգացման մեխազնիմները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է