• Latest news

ԴՆԹ-ի հետազոտումը քաղցկեղի բուժումը նոր մակարդակի կհասցնի. մասնագետ

15 փետրվարի, 2019  19:50

ԴՆԹ-ում վնասվածքների հետազոտումը, որոնք քաղցկեղի զարգացման պատաճառ են դարձել, կարող է ոչ միայն օգնել կոնկրետ պացիենտի համար ավելի արդյունավետ բուժման ընտրությանը, այլեւ ստեղծել թերապիայի նոր մեթոդներ: Այս մասին NEWS.am Medicine-ի հետ զրույցում ասաց հայտնի ուռուցքաբան Ռոբ Պիտերսը (Նիդեռլանդներ):

Մասնագետի խոսքով՝ քաղցկեղը զարգանում է ԴՆԹ-ում նորմալ բջիջների վնասվածքների հետեւանքով. հենց այս վնասվածքների պատճառով են բջիջները քաղցկեղային դառնում: Այնուհետեւ դրանք սկսում են ակտիվորեն կիսվել, ինչը եւ բերում է ուռուցքի աճին:

ԴՆԹ-ում վնասվածքները, որոնք քաղցկեղ են առաջացնում, տարբեր են, եւ հաճախ հենց դրանցից են կախված պացիենտի ապրելիության հնարավորությունները եւ բուժման հաջողությունը: Մասնագետի խոսքով՝ որոշ վնասվածքների դեպքում հիվանդության ընթացքն ավելի «հանդարտ» կլինի, իսկ պացիենտի ապրելիությունը՝ բանականին լավ: Այլ վնասվածքների դեպքում հիվանդությունը կզարգանա ավելի ագրեսիվ:

Ուռուցքաբանը նշեց, որ պացիենտի ԴՆԹ բջիջների հետազոտումը օգնում է կողմնորոշվել բուժման հարցում եւ ընտրել կոնկրետ պացիենտի համար առավել արդյունավետը:

Ավելին՝ քաղցկեղի զարգացմանը բերող վնասվածքների առավել խոր ըմբռնումը կարող է քաղցկեղի բուժումը նոր մակարդակի հասցնել՝ օգնելով բուժման նոր մեթոդների ստեղծմանը, որոնք ուղղված են ԴՆԹ-ում կոնկրետ վնասվածքների դեմ: Այսպիսի թերապիան, ամենայն հավանականությամբ, առավել արդյունավետ կլինի, քան այսօր գոյություն ունեցող բուժման մեթոդները:

Ռոբ Պիտերսը Հայաստան է եկել մասնակցելու փետրվարի 7-10-ը Երեւանում անցկացված Մանկական ուռուցքաբանության արեւելյան եւ միջերկրածովյան խմբի երկրորդ գիտաժողովին:

Գիտաժողովի կազմակերպիչներն են Սուրբ Հուդայի մանկական հետազոտական հիվանդանոցը (ԱՄՆ) եւ Բեյրութի Ամերիկյան համալսարանը (Լիբանան):

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է