• Latest news

Ֆիզիկական վարժությունները կարող են կանխել դեպրեսիան. հետազոտություն

18 փետրվարի, 2019  15:15

Դեպրեսիան կանխարգելելու համար բավական է միայն օրվա ընթացքում  թեթեւ ֆիզիկական վարժություններ անել. կարող է օգնել ամենօրյա մանրաքայլ վազքը, մի քանի ժամյա զբոսանքները կամ այգեգործությամբ զբաղվելը: Այս մասին նշվում  է JAMA Psychiatry-ում հրապարակված հետազոտությունում:

Շատ հետազոտութհուններ արդեն ցույց են տվել, որ ֆիզիկապես ակտիվ մարդիկ, որպես կանոն, ավելի երջանիկ են եւ քիչ են  տագնապային խանգարումներ եւ ծանր դեպրեսիա ունենում, քան սակավաշարժները: Սակայն այս հետազոտությունում  ցույց էր տրվել միայն ֆիզիկական վարժությունների եւ դեպրեսիայի միջեւ կապը: Իսկ պատճառահետեւանքային կապի հաստատման համար Massachusetts General Hospital եւ Harvard T.H. Chan School of Public Health-ից հետազոտողները մենդելեւյան ռանդոմիզացիա են օգտագործել՝  մարդկանց բաշխումն ըստ գենոտիպի, սովորաբար մեկ գենի տարբերակներով:

Գիտնականները օգտագործել են մոտ 400 հազար տղամարդկանց եւ կանանց գենետիկ եւ բժշկական տեղեկատվական տվյալների մեծ բազա՝ բրիտանական Բիոբանկը (UK Biobank):

Նրանք գեների մի քանի տարբերակներից  պարզել են մարդկանց գոնե մի տեսակ, որոնց գեները, ինչպես համարվում է մեծացնում են ակտիվ լինելու հավանականությունը:  Իսկապես, այդ մարդկանց մեծ մասը տարբերվել է ակտիվությամբ եւ միայն քչերն են դեպրեսիա զգացել: Իսկ նման «հատվածներ» չունեցող մարդիկ քիչ են շարժվել եւ դեպրեսիայի բարձր մակարդակ են ունեցել:

Գիտնականները հայտնաբերել են դեպրեսիայի կանխարգելման համար վարժութունների կատարյալ քանակություն՝ օրական 15 րոպե վազք կամ այլ ինտենսիվ վարժություններ:

Ավելի քիչ ծանրաբեռնող գործողությունները (արագ քայլք, տնային կամ այգու աշխատանքներ  եւ այլն) նույնպես պաշտպանել են դեպրեսիայից,սակայն անհրաժեշտ արդյունքի հասնելու համար օրական մոտ 1ժամ է պահանջվել:

Համոզվելու համար, որ հենց ֆիզիկական ակտիվությունն է ազդում դեպրեսիայի զարգացման վտանգի վրա, այլ ոչ թե հակառակը, հետազոտողները վերլուծել են դեպրեսիայի հետ կապված  գեների տարբերակները: Պարզվել է, որ դեպրեսիային հակված մարդիկ ֆիզիկապես պասիվ չեն եղել:

Այսպիսով հետազոտողները եկել են այն եզրահանգման, որ ֆիզիկական ակտիվությունը նվազեցնում է դեպրեսիայի զարգացման վտանգը, սակայն դեպրեսիայի հակվածությունը չի ազդում ակտիվության առկայության կամ բացակայության վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է