• Latest news

Իսկական համաճարակ. Ֆիլիպիններում կարմրուկից 136 մարդ է մահացել

20 փետրվարի, 2019  13:53

Ֆիլիպիններում կարմրուկի համաճարակից արդեն  136 մարդ է մահացել, որոնց մեծամասնությունը 1-4 տարեկան երեխաներ են: Իսկ հիվանդների թիվն արդեն գերազանցել է 8400-ը, հաղորդում է AlJazeera-ն:

Մայրաքաղաք Մանիլայում անցյալ տարվա համեմատ հիվանդացության ցուցանիշներն աճել են 1000 տոկոսով: Ֆիլիպինների Առողջապահության նախարարն ընդգծել է, որ անցյալ շաբաթ Մանիլայում եւ նրա հարակից շրջաններում  զանգվածային պատվաստում են սկսել, քանի որ դրանից հրաժարվելը եւ պատվաստման նվազեցումը բռնկման հիմնական պատճառն է: Ակնկալվում է, որ այն պետք է օգնի մինչեւ ապրիլ կանխել կարմրուկի բռնկումը:

Պետության ղեկավար Ռոդրիգո Դուտերտեն իր տեսաուղերձում զգուշացրել է կարմրուկի հնարավոր հետեւանքների մասին եւ քաղաքացիներին կոչ արել չհրաժարվել պատվաստումից:

Վերջին տվյալներով՝ Ֆիլիպիններում կարմրուկից պատվաստվելու միջին մակարդակը 60 տոկոսից ավել չէ, իսկ որոշ հեռավոր շրջաններում չի գերազանցում 30 տոկոսը:

Առողջապահության նախարարությունը ենթադրում է, որ բնակչությունը վախենում է ներարկումներից այն բանից հետո, երբ 2017-ին դենգե տենդի դեմ պատվաստումը առողջության համար վնասակար էր դարձել:

 

 

 

Կարմրուկի հետ կապված իրավիճակն այսօրվա դրությամբ լարված է ոչ միայն Ֆիլիպիններում, այլեւ այլ տարածաշրջաններում: 2018-ին կարմրուկով հիվանդացած մարդկանց թվով  Եվրոպայի երկրների վարկանիշի առաջին տեղում հայտնվել էր Ուկրաինան:

2019 թվականին միայն մեկ շաբաթվա ընթացքում այնտեղ կարմրուկի 3264 նոր դեպք են արձանագրել: Այս տարի կարմրուկից արդեն 8 մարդ է մահացել, իսկ 2018 թվականին՝ 16:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է