• Latest news

Կինն իր վրա փորձարկել է նոր գենային թերապիա տեսողության կորուստը կանգնեցնելու համար

22 փետրվարի, 2019  18:43

Ջանեթ Օսբորնը Օքսֆորդից առաջինն է աշխարհում, որն իր վրա փորձարկել է տեսողության կորստի կանխման գենային թերապիան։

Ինչպես տեղեկացնում է BBC-ն, գիտնականները պացիենտի օրգանիզմ են ներարկել արհեստական գեն, որը պետք է օգնի կանխելու ցանցաթաղանթի բջիջների մահը։ Սա առաջին թերապիան է, որն ուղղված է տարիքային մակուլյար դեգեներացիայի գենետիկ հիմքին։

Մակուլան ցանցաթաղանթի այն մասն է, որը պատասխանատու է տեսողության կենտրոնական հատվածի եւ ճշգրիտ մանրուքներ տեսնելու համար։ Տարիքային դեգեներացիայի ժամանակ ցանցաթաղանթի բջիջները սկսում են մահանալ, եւ դրանց պաշարը չի վերականգնվում, ինչը հանգեցնում է տեսողության վատացման, որոշ դեպքերում՝ կուրության։

Բուժման նոր մեթոդը նախատեսում է ներարկում, որն արվում է աչքի հետին մասում, դեգեներացիայի զարգացման վաղ փուլում։ Դրա հետ միասին մարմին մտնում է անվնաս վիրուս սինթետիկ գենով։ Այդ վիրուսը վարակում է ցանցաթաղանթի բջիջները եւ արտածում «միջուկ»՝ գեն։

Այդ գենը օրգանիզմին թույլ է տալիս ինքնուրույն սպիտակուց արտադրել, որն արգելակում է բջիջների մահը։ Առայժմ վաղ է խոսել փորձարկվող թերապիայի արդյունքների մասին։ Այժմ գիտնականները հետեւում են պացիենտուհու վիճակին։ Ինքը՝ Ջանեթը, լի է լավատեսությամբ եւ հույս ունի, որ թերապիան կօգնի, եւ նա կկարողանա վերադառնալ այգեգործությանը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է