Մեծ Բրիտանիայից 40-ամյա Նատաշա Քիրկբին 70 կիլոգրամով նիհարել է այն բանից հետո, երբ հասկացել է, որ եթե ճարպակալման հետեւանքով մահանա, իր ծանր հիվանդ դուստրը մենակ կմնա:
Նատաշան դպրոցական տարիքից տառապել է ավելորդ քաշով: Նա երազում էր մայրանալ, սակայն բժիշկները նրա մոտ ձվարանների պոլիկիստոզ էին հայտնաբերել, որի առկայությամբ հաջողությամբ հղիանալու հավանականությունը զգալիորեն նվազում է:
Նա 9 տարի առաջ, այնուամենայնիվ, ունեցել է երկար սպասված երեխային՝ Հոուփ անունով դստերը: Սակայն աղջկա մոտ հայտնաբերվել էր Կլիպել-Տրենոնե-Վեբերի համախտանիշ (բնածին անոթային հիվանդություն), եւ Նատաշան աշխատանքից դուրս էր եկել՝ իրեն ամբողջությամբ նվիրելով երեխայի խնամքին: Նա վարել է քիչ շարժունակ կենսակերպ, չի հետեւել սնվելուն եւ շուտով գիրացել է՝ կշռելով 133 կգ:
2013 թվականին նրա կրծքի շրջանում ցավեր են առաջացել: Նա վախեցել է, որ կարող է մահանալ սրտի կաթվածից, եւ հիվանդ Հոուփը մենակ կմնա, այս պատճառով սկսել է մտածել իր առողջության մասին:
«Ես գիտակցեցի, որ գերեզման տանող ճանապարհն եմ բացել»,- ասել է Նատաշան:
2015 թվականի սեպտեմբերին նա գրանցվել է լողավազանում եւ սկսել իրենով լրջորեն զբաղվել: Նրա խոսքով՝ միայն հանուն դստեր ապագայի է ամբողջությամբ փոխել կենսակերպը:
Մոտ 133 կգ կշռող կինը նիհարել է 70 կգ: Հիմա նա մոտ 63 կգ է կշռում եւ ավելի երիտասարդ ու լավ տեսք ունի, քան անցյալում:
Նա իր ձեւափոխման մասին այժմ պատմում է Instagram-ում՝ ճարպակալմամբ մարդկանց օգնելով լավ արդյունքների հասնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր