Ընթացիկ տարում Հայաստանի բնակչության շրջանում գլաուկոմայի վաղ հայտնաբերմանն ուղղված սքրինինգային ծրագիր կանցկացվի: Մարտի 16-ին մամուլի ասուլիսին այս մասին հայտնեց ՀՀ ԱՆ ակնաբուժության ոլորտի խորհրդատուի տեղակալ, ակնաբույժ Վահե Նանյանը:
Գլաուկոման աչքի հիվանդությունների խումբ է, որը բնութագրվում է ներակնային մշտական կամ պարբերական ճնշմամբ՝ տեսողության դաշտի տիպիկ դեֆեկտների հետագա զարգացմամբ: Գլաուկոմայի ժամանակ նաեւ տեսողության սրության նվազում կամ տեսողական նյարդի ատրոֆիա է նկատվում: Տվյալ հիվանդությունը կարող է տեսողության լիարժեք եւ անդառնալի կորստի հանգեցնել:
Նանյանը նշեց, որ գլաուկոմայի վտանգը կայանում է նրանում, որ սկզբնական փուլում այն առանց ախտանիշների է ընթանում: Ռիսկի խմբում 40 տարեկանից բարձր ծխողներն են, ինչպես նաեւ ճարպակալմամբ, դիաբետով, զարկերակային հիպերտեզիայով տառապող անձինք:
Ամենից հաճախ հիվանդությունը զարգանում է 40-ից հետո, ինչի կապակցությամբ ցանկալի է, որ այդ տարիքի մարդիկ ակնաբույժի մոտ պրոֆիլակտիկ հետազոտություններ անցնեն:
Գլաուկոմայի վաղ հայտնաբերմանն ուղղված ծրագիրն արդեն ուղարկվել է ՀՀ ԱՆ:
Դրա շրջանակում 40 տարեկանից բարձր անձինք մի շարք հետազոտություններ անցնելու հնարավորություն կունենան, այդ թվում ներակնային ճնշման չափման եւ օֆտալմոսկոպիայի (տեսողական նյարդի դիագնոստիկա): Բժշկի կոնսուլտացիաները եւ հետազոտություններն անվճար կլինեն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր