• Latest news

Ինչո՞ւ է Մասիսից 6-ամսական երեխան հայտնվել վերակենդանացման բաժանմունքում

19 մարտի, 2019  15:15

Մասիսից 6-ամսական փոքրիկի ծնողները՝ Գրիգոր եւ Տաթեւիկ Դանիելյանները, դժգոհ են «Արաբկիր» բժշկական կենտրոնում երեխայի բուժումից: Մինչդեռ բժիշկները նշում են, որ երեխան ստանում է անհրաժեշտ ամբողջ բուժումը:

Փոքրիկը վերակենդանացման բաժանմունք է տեղափոխվել մարտի 16-ին, եւ այսօրվա դրությամբ՝ նրա վիճակը գնահատվում է որպես ծայրահեղ ծանր: «Երեխան միացված է թոքերի արհեստական օդափոխման սարքին»,- NEWS.am Medicine-ին տեղեկացրեց հիվանդանոցի վերակենդանացման եւ ինտենսիվ թերապիայի բաժանմունքի ղեկավար Աշոտ Գյուլբուդաղյանը:

Ծնողների խոսքով՝ մարտի 4-ին փոքրիկի մոտ ի հայտ էին եկել ախտանշաններ, որոնք նման էին թեթեւ մրսածությանը, եւ Մասիսի պոլիկլինիկայի բժշկի ուղեգրով նրան տեղափոխել են «Արաբկիր» ԲԿ: Մինչդեռ ժամանակի ընթացքում փոքրիկի վիճակը վատթարացել է, եւ երեխան տեղափոխվել է վերակենդանացման բաժանմունք: Նրա մոտ ախտորոշվել է երկկողմանի թոքաբորբ, ինչը, Դանիելյանների կարծիքով, ոչ բանիմաց բուժման հետեւանքն է: Սրա հետ կապված երիտասարդ ընտանիքը Հայաստանի Առողջապահության նախարարությունից պահանջում է այս իրավիճակը լրջորեն ուսումնասիրել:

Մինչդեռ Գյուլբուդաղյանը համաձայն չէ ծնողների այն կարծիքին, որ երեխային անհրաժեշտ բուժօգնություն ցույց չի տրվել: Նրա խոսքով՝ երեխաների 5-7 տոկոսի մոտ առողջական վիճակի վատթարացում կարող է դիտվել նույնիսկ բուժման ֆոնին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է