• Latest news▼

Հայաստանում 2018 թվականին, վերջին 10 տարիների հետ համեմատ, գրանցվել է առաջին տեսակի դիաբետի դեպքերի ռեկորդային թիվ

20 մարտի, 2019  17:00

2018 թվականին Հայաստանում գրանցվել է առաջին տեսակի դիաբետի 106 նոր դեպք մինչեւ 18 տարեկան անձանց շրջանում, ինչը ամենաբարձր ցուցանիշն է վերջին 10 տարիների ընթացքում։ Այս մասին տեղեկացրել է Հայաստանի առողջապահության նախարարության մանկական էնդոկրինոլոգիայի հարցերով խորհրդական, «Մուրացան» հիվանդանոցային համալիրի էնդոկրինոլոգիայի կլինիկայի ղեկավար Ելենա Աղաջանովան մարտի 20-ին կայացած մամուլի ասուլիսում։

Ինչպես նշվել է, ավելի վաղ տարեկան կտրվածքով գրանցվում էր միջինը 70-80 նման դեպք։ «Դիաբետով հիվանդացության աճ գրանցվում է ոչ միայն Հայաստանում, այլեւ ամբողջ աշխարհում»,- ասել է նա։ Բացի գենետիկ նախատրամադրվածությունից, ռիսկի գործոններ կարող են լինել վատ էկոլոգիան, վարակները, քաղցկեղածին նյութերը սննդում եւ այլն։

Աղաջանովան տեղեկացրել է, որ այսօրվա դրությամբ հանրապետությունում գրանցվել է առաջին տեսակի դիաբետով մոտ 600 անչափահաս հիվանդ։ Նրա խոսքով՝ Հայաստանի աշխատանքի եւ սոցիալական հարցերի նախարարության հետ տարվում են բանակցություններ առաջին տեսակի դիաբետով հիվանդներին որոշակի արտոնություններ տալու մասին։ Դա, մասնավորապես, վերաբերում է անվճար բուժմանը էնդոկրինոլոգիայի բաժանմունքում 18-ից բարձր տարիքի անձանց համար։ Այսօրվա դրությամբ նրանք կարող են օգտվել այդ հնարավորությունից, եթե նրանց առողջական վիճակը գնահատվում է որպես ծայրահեղ ծանր։

Հետևեք NEWS.am Medicine-ին Facebook-ում և Twitter-ում

Տպել   |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է