Չինական Ուխան քաղաքից աղջիկը պատմել է, որ ստիպված է եղել սեւ շուկայում վաճառել իր ձվաբջիջները:
South China Morning Post-ը հաղորդում է, որ աղջիկը, որի անունը չի նշվում, պարտքեր է ունեցել եւ դրանք վճարելու համար նրան 60 հազար յուան է պահանջվել (մոտ 9000 դոլար):
Նա դիմել է անօրինական գործակալության, որը գնում է ձվաբջիջներ՝ հետագայում դրանք անպտուղ կանանց արտամարմնային բեղմավորման համար օգտագործելու նպատակով:
Նմանատիպ առաջարկներով հայտարարությունները հաճախ են փակցնում Ուխանի ուսանողական հանրակացարանում: Որպես կանոն, դրանք 10-50 հազար յուան են (1500-7500 դոլար) խոստանում մեկ պրոցեդուրայի համար, որի ժամանակ դոնոր կնոջից վերցնում են մի քանի ձվաբջիջ:
Ուսանողուհին երկու անգամ անցել է նման պրոցեդուրա եւ 29 ձվաբջիջ է վաճառել: Ձվաբջիջները վերցնելուց առաջ նրան ուղարկել են մի քանի օր հետազոտվելու:
«Նրանք ստուգում են քո կրության մակարդակը եւ առողջությունը,-պատմում է նա,-որոշ գործակալություններ հաշվի են առնում նաեւ հասակը եւ արտաքին տեսքը»:
Դրանից հետո կինը սկսում է ձվաբջիջների խթանման համար հատուկ դեղամիջոցներ ընդունել: Մոտավորապես 2 շաբաթ անց ձվաբջիջները վերցնում են:
Ուսանողուհու ձվաբջիջները վերցրել են Շանհայի եւ Ուխանի ընդհատակյա կլինիկաներից: Երկու դեպքերում էլ վիրահատությունն անցել է առանց ցավազրկման եւ ըստ աղջկա պաատմածի, երկու անգամ էլ անհրաժեշտ մանրէազերծումներ չեն կատարել:
«Առաջին անգամ՝ Շանհայում, ես ստիպված էի վիրահատությունից հետո 3 օր հակաբորբոքային միջոցներ խմել, -պնդում է աղջիկը: Երկրորդ անգամ՝ Ուխանում ես չորս օր կաթոցիկով հակաբորբոքային միջոցներով էիս տանում»:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր