• Latest news

Ինչո՞ւ է սթրեսն արագացնում ծերացումը

22 մարտի, 2019  09:26

Սթրեսն ինչպիսի՞ մեխանիզմներով է նպաստում արագացված ծերացմանը: ԱՄՆ Բոստոնի համալսարանի գիտնականները փորձել են այս հարցի վրա լույս սփռել:

Նրանց հաջողվել է պարզել, որ այս պրոցեսում առանցքային դեր ունի Klotho գենը:

Հետազոտությանը, որի արդյունքները հրապարակվել են Brain, Behavior, & Immunity ամսագրում, մասնակցել է 309 ամերիկացի վետերան, որոնց մեծամասնությունը տառապել է հետվնասվածքային սթրեսային խանգարմամբ (ՀՎՍԽ), որը զարգացել է Իրաքում եւ Աֆղանստանում ռազմական գործողությունների ֆոնին: Բոլոր կամավորները արյան նմուշներ են հանձնել գենետիկական անալիզի համար: Նրանք անցել են նաեւ մագնիսա-ռեզոնանսային տոմոգրաֆիա՝ ուղեղի կառուցվածքն ու ֆունկցիաները հետազոտելու համար:

Պարզվել է՝ այն մարդկանց շրջանում, որոնց Klotho գենում յուրահատուկ մուտացիաներ են եղել եւ ՀՎՍԽ ամենածանր ախտանիշներ արտահայտվել, առկա էին նաեւ բջջային արագացված ծերացման ամենաուժեղ նշանները:

Գիտնականների խոսքով՝ այս հետազոտության արդյունքներն օգնում են հասկանալ բջիջների վաղաժամ հյուծման ֆիզիոլոգիան եւ Klotho գենով կոդավորվող սպիտակուցները դարձնում են այն դեղերի թիրախը, որոնք նախատեսված են տարիքային բորբոքման, մետաբոլիկ դիսֆունկցիայի եւ նյարդային համակարգի խանգարումների դեմ պայքարի համար:

Հայտնի է, որ Klotho սպիտակուցի ակտիվության նվազեցումը կապված է ծերացման հետ: Իսկ դրա մեծ էքսպրեսիան, համենայդեպս լաբորատոր մկների բջիջներում, կյանքի տեւողությունը մեծացնում է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է