Իրաքում առանց քթի երեխա է ծնվել: The Daily Mail-ը հաղորդում է, որ նորածինը կարող է միայն բերանով շնչել:
Երեխայի ընտանիքն ապրում է Իրաքի Էլ Ֆալուջա քաղաքում:
Բնածին անոմալիայի պատճառը արխինիան է: Սա հազվագյուտ հիվանդություն է, որով աշխարհում տառապում է 100-ից քիչ մարդ: Փոքրիկի մոտ նաեւ միկրոցեֆալիա է ախտորոշվել՝ գանգի եւ գլխուղեղի չափերի զգալի փոքրացում, որն ուղեկցվում է մտավոր անբավարարությամբ:
Երեխայի նկարները հրապարակվել են «Ֆալուջիի բնածին արատները» (Fallujah Birth Defects) կազմակերպության կողմից, որի անդամները պնդում են, որ մուտացիաների թիվն Իրաքում պատերազմից հետո ավելացել է: Նրանց տվյլաներով՝ քաղաքում ծնված երեխաների մոտ 15 տոկոսը բնածին արատներ ունի (ձեռքերին եւ ոտքերին լրացուցիչ մատներ, վերջույթների բացակայություն եւ այլն):
FBD-ն պնդում է, որ Իրաքում պատերազմից հետո թունավոր թափոնների եւ աղքատացված ուրանով զինամթերքների հարյուրավոր տոննաներ են մնացել:
Source: The Daily Mail
Photos: Fallujah Birth Defects/Jam Press
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր