Ուշադրության պակասի եւ հիպերակտիվության համախտանիշի (ADHD) դեմ որոշ դեղերը մեծացնում են փսիխոզ վտանգը: Այս մասին ասվում է England Journal of Medicine-ում հրապարակված հետազոտությունում:
ADHD-ի բուժման ժամանակ երիտասարդներին եւ երեխաներին մեթիլֆենիդատ եւ ամֆետամիններ են նշանակում: Մինչդեռ մասնագետները նշում են, որ ամֆետամինների ընդունումն, ի տարբերություն մեթիլֆենիդատի, մեծացնում է փսիխոզի զարգացման հնարավորությունը:
Հավանականությունը, որ դեղերի ընդունումից հետո հիվանդը կսկսի ձայներ լսել, նրա մոտ հալյուցինացիաներ կամ զառանցանք կսկսվի, կազմում է մոտավորապես 1:660:
Գիտնականները 13-25 տարեկան անձանց շրջանում, որոնք 2004-2005 թվականների ընթացքում ADHD-ի բուժման համար սկսել են խթանիչներ ընդունել, հետազոտություն են անցկացրել:
110 923 պացիենտներից, որոնք ամֆետամիններ ենբ ընդունել (Adderall, Adzenys XR-ODT եւ այլն) 237-ի մոտ (կամ 0,21 տոկոսի մոտ) հետագայում փսիխոզ է ախտորոշվել: Հիվանդների համանման խմբում, որոնց բուժել են մեթիլֆենիդատով (Concerta, Ritalin, Daytrana եւ այլն), փսիխոզի 106 դեպք է գրանցվել (կամ 0,10 տոկոս):
Մի կողմից փսխոզի զարգացման տոկոսը մեծ չէ, սակայն եթե հաշվի առնենք, որ ADHD-ից ամբողջ աշխարհում տառապում են միլիոնավոր երեխաներ, խնդիրը կարող է լուրջ մասշտաբներ ստանալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր