• Latest news

3 հասարակ միջոց, որ կօգնեն շաքար ու աղ ավելի քիչ գործածել

23 մարտի, 2019  19:01

Մարդիկ առանձնապես զգայուն են շաքարի, աղի եւ ճարպի համի նկատմամբ, պնդում է բժիշկ Դարի Լոնգ Գիլեսփին: Նրա կարծիքով՝ սա էվոլյուցիայի ընթացքում ամրապնդված մեխանիզմ է, քանի որ մեր նախնիներին այս նյութերն անհրաժեշտ էին գոյատեւելու համար: Այս մթերքների հանդեպ ձգտումը մարդկանց մեջ պահպանվել է մինչ օրս, չնայած հիմա մենք կարող ենք գոյատեւել նաեւ առանց դրանց: Նույնիսկ հակառակը՝ սննդակարգում դրանց ավելցուկը առողջական շատ խնդիրներ է առաջացնում:

Փորձագետը ներկայացրել է մի քանի միջոցներ, որոնք կօգնեն նվազեցնել շաքարի եւ աղի գործածումը:

  1. Խուսափեք մթերքներում թաքնված շաքարից

Մթերքներից շատերի մեջ բավականին մեծ քանակությամբ թաքնված շաքար է պարունակվում, որն ամենեւին օգտակար չէ մեր առողջության համար: Դիետոլոգների գնահատմամբ՝ թաքնված շաքար է պարունակվում խանութում վաճառվող մթերքների 74 տոկոսի մեջ, այդ թվում՝է սոուսներում, հյութերում, կիսաֆաբրիկատներում, պատրաստի նախաճաշում, պահածոներում եւ այլ մթերքներում:

«Փաթեթի վրա կարդացեք բաղադրությունը: Շաքարը հաճախ թաքնված է տարբեր անվանումներով բաղադրիչների առաջին հնգյակում: Օրինակ՝ բրնձի կամ եգիպտացորենի օշարակ»,- ասել է դիետոլոգը:

  1. Գնեք փոքր փաթեթներ

Դիետոլոգները նաեւ խորհուրդ են տալիս քաղցր եւ աղի մթերքները ձեռք չբերել մեծ ծավալով, ինչպես նաեւ տանը չպահել դրանց «ռազմավարական պաշարներ»: Եթե շատ եք ցանկանում քաղցր ուտել, փոքր փաթեթով գնեք այն, որը ցանկանում եք, եւ կերեք:

  1. Վարժվեք «նոր» համերին

Հետազոտությունները ցույց են տալիս, որ այլընտրանքային կերակուրին աստիճանաբար անցում կատարելը իսկապես նվազեցնում է սովորական վնասակար ուտեստներին ձգտումը: Մասնագետները խորհուրդ են տալիս վարժվել նոր համերին: Օրինակ՝ փորձել աղի կերակուրի փոխարեն՝ ուտել թթու դրած մթերքներ: Քաղցրի փոխարեն՝ հատապտուղներ, մրգեր, չրեր: Սա ժամանակի ընթացքում սովորություն կդառնա:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է