• Latest news

Սրտի աշխատանքի ցուցանիշներին հնարավոր կլինի հետեւել զուգարանակոնքին նստած

27 մարտի, 2019  14:12

Ռոչեսթերի տեխնոլոգիական ինստիտուտի ինժեներները զուգարանի յուրահատուկ նստոց են մշակել, որը կարող է հետեւել սրտի աշխատանքի ցուցանիշներին: Գյուտն առաջին հերթին կօգնի այն անձանց, որոնք տառապում են տեւական սրտային անվաբարարությամբ, եւ որոնք մշտական մոնիթորինգի կարիք ունեն:

Զուգարանակոնքի «խելացի» նստոցը հագեցած է սրտի էլեկտրական եւ մեխանիկական ակտիվության չափման, ինչպես նաեւ սրտի կծկումների հաճախությանը եւ արյան ճնշմանը հետեւելու սարքերով: Դրանից բացի, համակարգը հետեւում է օքսիգենացիայի մակարդակին (թթվածնով արյան հագեցումը) եւ արյան հարվածային ծավալի ցուցանիշին: Ստացած տվյալների անալիզն իրականացվում է հատուկ ալգորիթմների միջոցով:

Այսօրվա դրությամբ՝ անցկացվում են արտասովոր նստոցի կլինիկական փորձարկումները: Մասնագետները ծրագրում են նաեւ մշակել ստացած տեղեկություններն անմիջապես բուժող բժշկին փոխանցելու համակարգ, ինչը նրանց կօգնի պացիենտի առողջական վիճակի վատթարացման դեպքում ժամանակին միջոցներ ձեռնարկել:  

Մշակողների խոսքով՝ «խելացի» նստոցը թույլ կտա կրճատել կրկնակի հոսպիտալացումների թիվը. ըստ վիճակագրության՝ տեւական սրտային անբավարարությամբ պացիենտների 25 տոկոսը դուրս գրվելուց հետո առաջին 30 օրվա ընթացքում կրկին հիվանդանոց է ընդունվում:

Մշակումը մանրամասն ներկայացված է mHealth ամսագրում հրապարակված հոդվածում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել