• Latest news

Մարդու պապիլոմա վիրուսի դեմ նոր պատվաստանյութը հեղափոխություն կկատարի արգանդի վզիկի բուժման եւ կանխարգելման մեջ

8 ապրիլի, 2019  20:30

Նոր պատվաստանյութը կարող է կանանց ազատել մարդու պապիլոմա վիրուսից, որոնց մոտ արգանդի վզիկում արդեն նախաքաղցկեղային գոյացություններ կան:

Tipapkinogen Sovacivec անունով հայտնի պատվաստանյութը պրոտեին է պարունակում, որն իմունային համակարգին ստիպում է հարձակվել արգանդի վզիկում նախաքաղցկեղային փոփոխությունների վրա, հատկապես որպես CIN հայտնի գոյացության վրա:

Հետազոտության ընթացքում պատվաստանյութն օգնել է վիրուսով կանանց երրորդ մասի մոտ ամբողջությամբ վերացնել արգանդի վզիկում նախաքաղցկեղային դերսեւորումները: Այսինքն՝ միջոցը իրապես կանգնեցրել է քաղցկեղի զարգացումը:

Պատվաստանյութի հիմքում սպիտակուցն է, որն ակտիվացնում է իմունային համակարգը եւ նրան ստիպում հարձակվել արգանդի վզիկում պաթոլոգիական փոփոխությունների օջախների վրա: Գիտնականների խոսքով՝ նոր պատվաստանյութը վիրահատությունների համեմատ ավելի էժան է, անվտանգ եւ դրսեւորումները վերացնելու ավելի պարզ միջոց է: Գիտնականներն ընդգծում են, որ պատվաստանյութը չի կանխում վիրուսով վարակվելը, այլ պայքարում է այդ փաստի հետեւանքների դեմ:

Պատվաստանյութի թեստավորմանն ընդգրկել են մոտ 130 կնոջ: Նրանց երկու խմբի են բաժանել՝ պլացեբո ստացող եւ նոր պատվաստանյութը ստացող հիմնական խմբի: Կանանց գրեթե երկու երրորդը արդեն լուրջ ախտահարումներ ուներ, եւ 36 տոկոս դեպքերում պատվաստանյութը կարողացել է ոչ միայն դրանք վերացնել, այլեւ օրգանիզմը մաքրել ինֆեկցիայի հետքերից: Պլացեբո ստացածների խմբում համանման փոփոխություններ չեն նկատվել:

Ընդհանուր առմամբ, հիմնական խմբում դրսեւորումները վերացել են 2 անգամ ավելի հաճախ, քան ստուգիչ խմբում: Իսկ փորձի հիմնական մասի ավարտից հետո 2,5 տարի շարունակված դիտարկումները ապացուցել են պավաստանյութի արդյունավետությունը՝ ՄՊՎ հետքերը շատերի մոտ ընդհանրապես վերացել են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է