Ձուկ գործածելը կարող է դանդաղեցնել ուղեղի ծերացումը. հետազոտություն

9 ապրիլի, 2019  09:40

Մարդիկ, ում սննդակարգում ձուկ շատ է պարունակվում, ավելի լավ են պաշտպանված ուղեղին առնչվող ծերացման պրոցեսներից: Այսպիսի եզրակացություն են կատարել Չիկագոյի համալսարանի Բժշկական կենտրոնի գիտնականները:

Մարթա Քլեր Մորիսի ղեկավարությամբ անցկացված հետազոտությունը հաստատել է, որ ձուկն իսկապես ուղեղի համար չափազանց օգտակար է: Մասնագետների եզրակացությամբ՝ ձկան գործածումը նվազեցնում է Ալցհեյմերի հիվանդության զարգացման հավանականությունը:

Գիտնականները հետազոտել են այն մարդկանց ուղեղի առանձնահատկությունները, որոնք մահացել են 10-ամյա դիտարկումների ժամանակաշրջանում: Ոմանց ուղեղում հայտնաբերվել են ամիլոիդային վահանիկներ՝ Ալցհեյմերի հիվանդության նշանը: Մասնագետները ուղեղի հետազոտության տվյալները համեմատել են փորձարկվողների կենսակերպի ցուցանիշների հետ:

Գիտնականները հանգել են այն եզրակացության, որ ձկան գործածումը դանդաղեցնում է ուղեղի ծերացումը: Մասնավորապես՝ պարզվել է, որ շաբաթական նվազագույնը մեկ անգամ ձուկ գործածող մարդկանց շրջանում Ալցհեյմերի հիվանդության միանգամից երեք նշանների զարգացման մակարդակը ցածր է եղել:

Դրանից բացի, գիտնականները դիմել են 13 գիտական աշխատությունների, որոնցում նշվում է «որոշակի պաշտպանական մեխանիզմի հայտնվելու մասին նրանց շրջանում, որոնք սնունդի մեջ պարբերաբար ձուկ եւ ծովամթերք են գործածում»: Հետազոտողների կարծիքով՝ այս մեխանիզմը դանդաղեցնում է տարիքային կոգնիտիվ խանգարումների զարգացումը եւ պաշտպանում դեմենցիայից:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի