• Latest news

Սխտորն օգնում է վերականգնել հիշողությունը տարեց հասակում

10 ապրիլի, 2019  13:36

Գիտնականներին հաջողվել է հայտնաբերել սխտորի եւս մեկ օգտակար հատկություն։ Լուիսվիլի համալսարանի մասնագետների հետազոտության համաձայն՝ սխտորը բարերար ազդեցություն է ունենում մարդու իմացական կարողությունների վրա։ Գաղտնիքը նրանում պարունակվող ալիլսուլֆիդի մեջ է, որը նպաստավոր ազդեցություն է ունենում աղիների միկրոմիջավայրի վրա։

Գիտնականները որոշել են պարզել, թե արդյոք գոյություն ունի կապ աղիների միկրոֆլորայի բազմազանության փոփոխության եւ այնպիսի նեյրոդեգեներատիվ հիվանդությունների առաջացման միջեւ, ինչպիսին են Ալցհեյմերի եւ Պարկինսոնի հիվանդությունները։ Այդ պրոցեսները, ինչպես նշվում է, նկատվում են հենց տարեց հասակում։

Փորձերն իրականացվել են ծեր մկների վրա, որոնց տարիքը մարդկային կյանքի չափանիշներով 56-69-ն է եղել։ Նրանց սննդակարգում ներառվել են ալիլսուլֆիդներ, ինչից հետո օրգանիզմի առողջական վիճակը համեմատվել է երիտասարդ կրծողների ցուցանիշների հետ։

Պարզվել է, որ ալիլսուլֆիդը բարելավել է ոչ միայն աղիների միկրոմիջավայրի կազմը, այլեւ երկարատեւ ու կարճատեւ հիշողությունը։ Այնինչ, փորձի ենթակա կրծողների հասակակիցները, որոնք այդ հավելումը չեն ստացել, խնդիրներ են ունեցել տարածական հիշողության հետ կապված։ Հիշողության խնդիրների պատճառը, ամենայն հավանականությամբ, թաքնված է NDNF գենի ազդեցության նվազման մեջ։ Բայց ալիլսուլֆիդների ընդունումը դրականորեն է ազդել նաեւ այդ պրոցեսի վրա։

Գիտնականների կարծիքով՝ ալիլսուլֆիդային թերապիան կարող է վերականգնել հիշողությունը՝ շնորհիվ աղիների միկրոմիջավայրի վրա դրական ներգործության։

Հետազոտության արդյունքները ներկայացվել են Experimental Biology Meeting-ի ամենամյա կոնֆերանսի շրջանակում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է