• Latest news

Ընդամենը 3 նրբերշիկը կմեծացնի վաղաժամ մահվան վտանգը

11 ապրիլի, 2019  17:58

Մսի սիրահարների գլխավերեւում ամպեր են կուտակվել: Նոր հետազոտության համաձայն՝ ամեն օր մեծ քանակությամբ մսի օգտագործումը կարող է բավականին բացասաբար ազդել առողջության վրա: Այսպիսով՝ բեկոնի ընդամենը 6 կտորը, 3 նրբերշիկը կամ 200 գ սթեյքը բավական են վաղաժամ մահվան վտանգը մեծացնելու համար:

Արեւելյան Ֆինլանդիայի հետազոտության համաձայն՝ օրական ավելի քան 200 գ միս կերած տղամարդկանց մոտ  առաջիկա 20 տարում մահվան հավանականությունը 23 տոկոսով ավելի բարձր է, ի տարբերություն նրանց, ովքեր օրական ընդամնեը 100 գ միս են օգտագործել: Հատկապես վտանգավոր է կարմիր միսը, որի օգատգործումը կապված է սրտի եւ աղիքների հիվանդության հետ:

Բրիտանիայի Առողջապահության նախարարությունը խորհուրդ է տալիս  օրական ոչ ավել, քան 70 գ կարմիր կամ վերամշակված միս, ինչը փաստացի համընկնում է Քաղցկեղի հետազոտման ամերիկյան ինստիտուտի խորհրդի հետ (72 գ): Կարմիր մսում ավելի շատ են հագեցած ճարպերը, քան հավի կամ հնդկահավի մսում, իսկ վերամշակված միսն, ըստ Բրիտանիայի Առողջապահության ազգային ծառայության, կարող է մեծացնել աղիքիների քաղցկեղի վտանգը:

Հետազոտության շրջանակում ֆինն գիտնականները վերլուծել են 42-60 տարեկան 2641 տղամարդկանց տվյալները: Դիտարկումներն անցկացվել են 22 տարվա ընթացքում, այդ ընթացքում  մահացել է 1225 կամավոր:

Պարզվել է, որ վաղաժամ մահվան վտանգը բարձր է եղել նրանց շրջանում, ովքեր մեծ քանակությամբ կենդանական ծագման սպիտակուցներ են օգտագործել: Խոսքը հենց մսի մասին է, քանի որ ձուկը, կաթնամթերքը եւ ձվերը վտանգ չեն ներկայացրել:

Գիտնականները նշում են, որ մեծ քանակությամբ մսի օգատգործումը վտանգավոր է երկրորդ տիպի դիաբետով, սրտանոթային հիվանդություններով կամ քաղցկեղով  հիվանդների համար:

Հետազոտության արդյուքնները հրապարակվել են The American Journal of Clinical Nutrition ամսագրում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է