Ֆրանսիան արգելք է սահմանել սննդային արդյունաբերությունում տիտանի օքսիդի օգտագործման համար, որը փաթեթավորումների վրա նշվում է որպես E171: Արգելքն ուժի մեջ կմտնի հաջորդ տարվանից:
E171-ը կիրառվում է արտադրանքին սպիտակ գույն հաղորդելու համար: Դրանք կարող են լինել օրինակ սոուսները, շոկոլադը, հրուշակեղենային գլազուրը, մաստակը, ատամի մածուկը, արեւապաշտպան քսուքը: Մասնագետները նշում են, որ ուտելու դեպքում տիտանի օքսիդը վնաում է աղիքները եւ ներթափանցում թոքեր եւ լյարդ:
Անցկացված հետազոտությունների համաձայն՝ 100 օրվա ընթացքում տվյալ սննդային հավելումն օգտագործելու դեպքում առնետների մոտ 40 տոկոսով մեծացել է քաղցկեղի զարգացման վտանգը:
Հատկանշական է, որ առաջինն ով նշել է օրգանիզմի վրա E171-ի բացասական ազդեցության մասին, դարձել է Ֆրանսիայի Գյուղատնտեսական հետազոտությունների ազգային ինստիտուտը:
Ֆրանսիայի էկոնոմիկայի եւ բնապահպանության նախարարությունները համատեղ հայտարարությունում նշել են, որ չեն բավականացնում գիտական տվյալները, որոնք ապացուցում են, որ հավելումն անվտանգ է մարդու համար եւ անհնար է պարզել դրա օրական ընդունելի դոզան:
Արտադրողներին խորհուրդ է տրվում անցում կատարել այլընտրանքային սննդային հավելումներին:
Ավելի վաղ ֆրանսիայում հրաման էր ընդունվել տիտանի երկօքսիդ պարունակող սննդամթերքների վաճառքի դադարեցման մասին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր