Տարբեր երկրների մասնագետները Երեւանում կքննարկեն հոգեբանական խնդիրների դասակարգման հարցերը

20 ապրիլի, 2019  15:14

Ապրիլի 21-23-ին Երեւանում տեղի կունենա միջազգային կոնֆերանս՝ նվիրված հոգեբանական խնդիրների ախտորոշիչ դասակարգման համակարգի հարցերին։ Այս մասին տեղեկացրել է Հայաստանի պետական մանկավարժական համալսարանի կիրառական հոգեբանության ամբիոնի վարիչ, պրոֆեսոր Սամվել Խուդոյանը ապրիլի 20-ի մամուլի ասուլիսում։

Կոնֆերանսի աշխատանքին կմասնակցեն մոտ 70 մասնագետներ աշխարհի տարբեր երկրներից, այդ թվում Մեծ Բրիտանիայից, Ռուսաստանից, Իսրայելից եւ Ուկրաինայից։ Խուդոյանը հատկապես նշել է, որ նման կոնֆերանս անցկացվում է առաջին անգամ։

Նրա խոսքով՝ հոգեբանական խնդիրների եւ դրանց բուժման մեթոդների դասակարգելու գաղափարը արժանացել է խոշոր գիտնականների հավանությանը, այդ թվում  Հոգեբանության եւ իրավունքի եվրոպական ասոցիացիայի ղեկավար Դեւիդ Քուկի։ Պրոֆեսորն ընդգծել է, որ այս համակարգի մշակման համար կարող է պահանջվել ոչ պակաս, քան 5-10 տարի։

Խուդոյանը տեղեկացրել է, որ հետագայում ախտորոշիր դասակարգման համակարգը պետք է հրապարակվի առանձին գրքով։

Ավելացնենք, որ կոնֆերանսի կազմակերպիչն է Հայկական պետական մանկավարժական համալսարանը։

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի