• Latest news

Բուսակերությունը կարող է պաշտպանել սրտային անբավարարությունից. հետազոտություն

23 ապրիլի, 2019  22:29

Բուսակերների համար սրտային անբավարարությունից հիվանդանոցում հայտնվելու վտանգը 41 տոկոսով ավելի ցածր է, քան նրանց համար, ովքեր միս են ուտում:

Իսկ մեծ քանակությամբ չրերով եւ վերամշակված մսով ինչպիսիք են նրբերշիկները եւ երշիկները սննդակարգը 72 տոկոսով բարձրացնում է հիվանդանոցում հայտնվելու վտանգը: Նման եզրակացության են եկել Մինեսոտայի Մայո կլինիկայի գիտնականները:

Նրանց նոր հետազոտությունը ցույց է տալիս սրտային անբավարարության պրոֆիլակտիկայի կարեւորությունը՝ անբուժելի վիճակի, որն անխուսափելիորեն զարգանում է եւ թանկ բուժում է պահանջում: Սրտային անբավարարությամբ մարդկանց մոտ սիրտը դադարում է բավարար չափով արյուն քաշել եւ թթվածին մատակարարել օրգանիզմին:

Այս հիվանդությամբ շատ պացիենտներ ախտորոշումից հետո 5 տարվա ընթացքում մահանում են: Բուժումն ինքնին սովորաբար զուտ ախտանշական է, սակայն այն չի կարող արմատապես մարդուն ազատել տվյալ հիվանդությունից:

Պացիենտների միակ հույսը սրտի փոխպատվաստում է,  բայց վիճակագրությունը ցույց է տալիս, որ մինչեւ այդ պրոցեդուրան ապրում է պացիենտների 10 տոկոսից ոչ ավելին, իսկ որոշ երկրներում ոչ ոք ողջ չի մնում:

Գոյություն ունեն սրտային անբավարարության պրոֆիլակտիկայի որոշ ռազմավարություններ: Դրանց թվում են ծխելուց հրաժարվելը, զարկերակային ճնշման նվազեցումը եւ առողջ սնունդը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել