• Latest news

Վթարը փրկել է հղի կնոջ եւ նրա չծնված երեխայի կյանքը

24 ապրիլի, 2019  10:59

Անգլիական Թայն ենդ Ուիր կոմսության Գեյթսհեդ քաղաքից 20-ամյա Քլոի Գրանտը մահացու վտանգավոր հիվանդության մասին տեղեկացել է ոչ մեծ վթարի շնորհիվ, որի մեջ հայտնվել էր հղիության ժամանակ: Այս վթարը նպաստել է փրկելու ե՛ւ նրա, ե՛ւ նրա չծնված երեխայի կյանքը:

Evening Chronicle պարբերականը հայտնում է, որ Քլոին ճանապարհային պատահարի է ենթարկվել 24-շաբաթական հղիության ժամանակ: Չնայած նա ծանր վնասվածքներ չէր ստացել, կնոջն անմիջապես հիվանդանոց են տեղափոխել, որտեղ բժիշկները նրա մոտ պրեէկլամպսիա են հայտնաբերել՝ հազվադեպ եւ մոր ու պտղի կյանքի համար վտանգավոր բարդություն, որը հանդիպում է հղիների միայն 6 տոկոսի մոտ:

Երկու շաբաթ հետո Քլոիին արտահերթ կեսարյան հատում են կատարել: Լույս աշխարհ է եկել աղջիկ, որին անվանակոչել են Ամելիա Ռոուզ: Ծնվելիս նա կշռել է մոտ 700 գրամ:

«Նա մեր փոքրիկ հրաշքն է: Վթարը դարձավ մեր փրկությունը»,- խոստովանել է նորածնի հայրը՝ 21-ամյա Ջեք Ֆարելը:

Այս պահին Գրանտը նորածնի հետ կլինիկայում է՝ բժիշկների հսկողության ներքո: Բժիշկների խոսքով՝ նրանք իրենց լավ են զգում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել