• Latest news

37-ամյա կինը կեսարյան հատման ժամանակ կաթված է ստացել

7 մայիսի, 2019  19:33

Մեծ Բրիտանիայից 37-ամյա Սամանտա Ուիլքինսոնը ստիպված է հաշմասայլակով տեղաշարժվել այն բանից հետո, երբ կեսարյան հատման ժամանակ կաթված է ստացել: Սամանտան խոստովանում է, որ իր կյանքը կործանված է համարում, եւ մինչեւ հիմա ինքնասպանության մտքեր է ունենում:

Երկունքի ցավերը սկսվելուց հետո Սամանտային տեղափոխել են Royal Albert Edward Infirmary հիվանդանոց. նա պետք է ծներ իր երրորդ երեխային: Բարդությունների պատճառով որոշվել է շտապ կեսարյան հատում կատարել, որն, ըստ երեւույթին, առաջացրել է հեմոռագիկ կաթված՝ ուղեղի արյան զեղում:

Սամանտայի խոսքով՝ բժիշկները մեկ ժամ անտեսել են կաթվածի ախտանշանները եւ թանկարժեք ժամանակ են կորցրել, որն ահնրաժեշտ է միջամտության համար: Երբ նա գանգատվել է մարմնի մի մասի տարօրինակ ընդարմացումից, բուժաշխատողները դա բացատրել են անեսթեզիայի էֆեկտով: Իսկ երբ բժիշկները հասկացել են, որ Սամանտան լուրջ խնդիր ունի, նրա ուղեղում արդեն կիտրոնի չափի «արյան լճակ» էր առաջացել:

Այս վնասվածքների հետեւանքով Սամանտան ցմահ գամված կմնա հաշմասայլակին: Դրանից բացի, նա տառապում է էպիլեպտիկ նոպաներով եւ անմիզապահությամբ, եւ հաճախ է ունեցել ինքնասպանություն գործելու մտքեր: Երբեմն նա այնքան ուժգին գլխացավեր է ունենում, որ տառացիորեն գլուխը պատին է զարկում:

2017 թվականին նա նույնիսկ ինքնսպանության փորձ է կատարել այն բանից հետո, երբ ախտորոշվել է թոքերի օբստրուկտիվ քրոնիկական հիվանդություն: Սամանտան կարծում է, որ այս խնդիրը նույնպես կարող էր անհաջող վիրահատության հետեւանքով առաջանալ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է