• Latest news

Գիտնականները հակաթույն են գտել մեդուզայի մահացու վտանգավոր թույնի դեմ

9 մայիսի, 2019  10:51

Սիդնեյի համալսարանի գիտնականները հակաթույն են ներկայացրել, որն արդյունավետ է մոլորակի ամենավտանգավոր արարածներից մեկի՝ Chironex fleckeri մեդուզայի թույնի դեմ, որը հանդիպում է հյուսիսային Ավստրալիայի եւ Ինդոնեզիայի ափերին:

Այս մեդուզաներն այրվածքներ են հասցնում, առաջացնում հյուսվածքների մեռուկացում, ցավ, սրտի կանգ եւ մի քանի րոպե անց մահ: Նրանց շոշափուկները ծածկված են խայթող բջիջներով, որոնք շատ հզոր թույն են պարունակում: Մեկ մեդուզայի մեջ պարունակվում է բավականաչափ թույն, որպեսզի ավելի քան 60 մարդու սպանի:

Գիտնականներն օգտագործել են գենոմի խմբագրման մեթոդը եւ հայտնաբերել մոլեկուլյար հակաթույն, որն արգելակում է մեդուզայի թույնով թունավորվելու դեպքում առաջացող ախտանշանների զարգացումը: Գլխավորն այն է, որ հակաթույնը մեդուզայի հետ շփման տեղում քսվի տեղի ունեցածից հետո 15 րոպեի ընթացքում:

Մասնագետները մարդկային բջիջներ են վերցրել եւ դրանց մեջ «անջատել» տարբեր գեներ, այնուհետեւ ավելացրել են մեդուզայի թույնը: Այս կերպ հաջողվել է գտնել գործուն համադրությունը, որի դեպքում բջիջները չէին մահանում:

Գիտնականների խոսքով՝ այս հայտնագործությունը թույլ կտա լիովին խուսափել մաշկի մեռուկացումից, սպիացումից եւ ցավային շոկից: Սակայն հայտնի չէ՝ այն կարո՞ղ է արդյոք փրկել սրտի կանգից:

Հակաթույնը հաջողությամբ փորձարկել են ոչ միայն մարդու բջիջների, այլ նաեւ մկների վրա: Հիմա գիտնականներն աշխատում են հակաթույն քսուքի վաճառքի տարբերակի ստեղծման ուղղությամբ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է