Դեմքի մաշկի ախտահարմամբ 37-ամյա կինը ծանր վիրահատության է ենթարկվել եւ նոր կյանք սկսելու հույս ունի (ֆոտո)

10 մայիսի, 2019  10:53
37-ամյա իրանուհի Էլլահե Հաղանին իր ամբողջ գիտակցական կյանքի ընթացքում տառապել է հազվադեպ հիվանդության պատճառով, որը ձեւախեղել է նրա դեմքը եւ զրկել աջ աչքի տեսողությունից: The Daily Mail-ը հայտնում է, որ կնոջ մոտ ախտորոշվել է Սթերջ-Վեբերի համախտանիշ (էնցեֆալոտրիգեմինալ անգիոմատոզ):

Իրանցի բժիշկները հրաժարվել են Էլլահեին վիրահատել՝ վախենալով, որ նա ուժեղ արյունահոսության հետեւանքով կարող է մահանալ վիրահատական սեղանի վրա: Մինչդեռ կինը տառապել է դեմքն այլանդակող մաշկի ախտահարման պատճառով, առավել եւս, որ շրջապատողները վախենում էին, թե դա կարող է վարակիչ լինել: 

Էլլահեն 14 տարեկանում Էդինբուրգ է գնացել՝ լազերային բուժման երկամյա կուրս անցնելու: Սակայն ստացած արդյունքը գոհացնող չէր: Տարիքին զուգահեռ՝ մաշկի ախտահարումը ավելի ու ավելի սարսափելի չափեր էր ընդունում: Բարեբախտաբար նրան հաջողվել է կապ հաստատել ամերիկացի վիրաբույժի հետ, ով համաձայնվել է նրան վիրահատել: Այսօրվա դրությամբ Էլլահեն 20 վիրահատության է ենթարկվել, այդ թվում՝ քթի եւ մաշկի փոխպատվաստման:

Դեմքի մաշկը բաց գույնի դարձնելու համար կինը լազերային շտկման կարիք է ունեցել: Էլլահեն գոհ է ստացած արդյունքից եւ երազում է նոր կյանք սկսելու մասին: Կինը բուժքույրական դասընթացներում է սովորել, որ այլ մարդկանց օգնելու հնարավորություն ունենա: Նրա երազում է ամուսնանալու եւ ընտանիք կազմելու մասին:

Source: The Daily Mail

Photos: Caters News Agency

 

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի