• Latest news

DASH սննդակարգը 50 տոկոսով նվազեցնում է սրտային անբավարարության զարգացման հավանականությունը. հետազոտություն

11 մայիսի, 2019  18:39

DASH սննդակարգը, որը մշակվել է հիպերտոնիկների համար, կարող է նվազեցնել սրտային անբավարարության զարգացման հավանականությունը՝ նույնիսկ դեղերից ավելի արդյունավետ: Այս մասին նշված է նոր հետազոտության մեջ, որը հրապարակվել է American Journal of Preventive Medicine-ում:

Գիտնականների խոսքով՝ այս սննդակարգը կայունացնում է արյան ճնշումը, ինչպես նաեւ նպաստում աղեստամոքսային տրակտի օրգանները ացանկալի նյութերից մաքրելուն: Ավելին՝ այս սննդակարգը կարող է 50 տոկոսով նվազեցնել սրտային անբավարարության զարգացման հավանականությունը, եւ այս իմաստով այն գերազանցում է շատ դեղամիջոցների ազդեցությանը: Գիտնականների եզրակացությունները հիմնված են մինչեւ 75 տարեկան մարդկանց սնվելու դիտարկումների տվյալների վրա, որոնք կատարվել են ավելի քան 13 տարի:

DASH (Dietary Approaches to Stop Hypertension – հիպերտոնիայի բուժման դիետոլոգիական մոտեցում) սննդակարգը նախատեսում է մասնակի կամ ամբողջական հրաժարում աղ պարունակող սնունդից, ալկոհոլից, ծխելուց, ինչպես նաեւ թարմ բանջարեղենի եւ մրգերի, ընկույզների, հատիկավոր ցորենի հացի, թռչնամսի, ձկան, անյուղ կաթնամթերքի մեծ քանակությամբ գործածում:

Սննդակարգի գլխավոր կանոնները.

  • Օրական խմել մինչեւ 2 լիտր հեղուկ
  • Օրական սնվել 5 անգամ՝ 215 գրամից ոչ ավելի չափաբաժնով
  • Հիմնական 5 անգամ սնվելու միջեւ թույլ է տրվում ձեռքի ուտել, բայց միայն այն դեպքում, երբ քաղցի զգացումը չափից ավելի է սաստկանում
  • Օրական սննդակարգի կալորիականությունը չպետք է գերազանցի 2000-2500 կկալ-ը
  • Քաղցրեղեն գործածել շաբաթական 5 անգամից ոչ հաճախ, ամբողջությամբ բացառել քաղցր գազավորված ըմպելիքները
  • Աղը գործածել օրական 2/3 թեյի գդալից ոչ ավելի
  • Սննդակարգից բացառվում են ապխտած մթերքները, յուղոտ կերակուրը, յուղահունց թխվածքները, ձկան եւ մսի պահածոները:

Հիշեցնենք, որ հունվարին U.S. News & World Report ամսագիրը հրապարակել էր 2019 թվականի սնվելու լավագույն տեսակների վարկանիշը, որում DASH սննդակարգը գրավել է երկրորդ տեղը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է