Եթե պատվաստումներ ծածկույթը շարունակի նվազել, անհրաժեշտ կլինի ավելի խիստ միջոցների դիմել. նախարար

Եթե երկրում հակապատվաստային տրամադրությունները շարունակվեն, ինչի արդյունքում պատվաստվողների թիվը նվազի, անհրաժեշտ կլինի ավելի խիստ միջոցների դիմել, ինչպես անում են բազմաթիվ զարգացած երկրներում: Լրագրողների հետ հանդիպման ժամանակ այս մասին հայտնեց առողջապահության նախարար Արսեն Թորոսյանը:

Նա հիշեցրեց, որ հիմա Ռուսաստանում հակապատվաստային կոչերի համար քննարկում են քրեական պատասխանատվության սահմանումը: Եթե Հայաստանում պատվաստվողների թիվը շարունակի նվազել, դա անկասկած կհանգեցնի մի շարք հիվանդություններով հիվանդացության բարձրացմանը, ինչպես նաեւ դրանց համաճարակներին:

Այդ դեպքում Հայաստանը ստիպված կլինի լուրջ միջոցներ ձեռնարկել հակապատվաստման դեմ պայքարի համար՝ բնակչության առողջության պահպանման համար:

Նախարարի խոսքով՝ այսօր կարմրուկի դեմ պատվաստումն արդեն նվազել է մինչեւ 90 տոկոս եւ սա մտահոգիչ թիվ է, քանի որ այդ հիվանդությունից պաշտպանության անհրաժեշտ մակարդակ ապահովելու համար պետք է պատվաստվի մարդկանց 95 տոկոսը:

Շատ հիվանդություններ այսօր արմատախիլ են արվել, իսկ մյուսները վերացման եզրին են պատվաստման շնորհիվ, հիշեցրեց նախարարը:

Սակայն հակապատվաստային շարժումը կարող է վերացնել այս ոլորտի  բոլոր ձեռքբերումները:

Այպիսով, պոլիոմելիտն արդեն համարվում է գրեթե հաղթահարված հիվանդություն, սակայն եթե պատվաստվողների թիվը նվազի, երեխաները նորից կսկսեն դրանով հիվանդանալ եւ մահանալ կամ հաշմանդամ դառնալ:

Խոսելով մարդու պապիլոմայի վիրուսի դեմ պատվաստանյութի մասին, նախարարը նշեց, որ ամեն տարի  այդ վիրուսի պատճառով զարգացող արգանդի վզիկի քաղցկեղից մոտ 150 կին է  մահանում: Դրա համար այդ պատվաստանյութն այդքան կարեւոր է եւ առողջապահության համակարգը կշարունակի այդ ոլորտում եւ ՄՊՎ դեմ պատվաստման համար իր քաղաքականությունը:

Արսեն Թորոսյանը նշեց, որ անձամբ ստացել է ՄՊՎ դեմ պատվաստանյութը, իսկ անցյալ ամիս տարիքային շեմի բարձրացումից հետո այն ստացել է մոտ 1500 մարդ:

Հետևեք NEWS.am Medicine-ին Facebook-ում և Twitter-ում