Լուսադիոդային լամպերը կարող են անդառնալի վնաս հասցնել աչքերին. ֆրանսիական կարգավորիչ

16 մայիսի, 2019  17:07

Լուսադիոդային լամպերը կարող են անդառնալ վնաս հասցնել աչքերին եւ տեսողության վատացմանը հանգեցնել: Ֆրանսիայի Պարենամթերքի, շրջակա միջավայրի, հիգիենայի եւ աշխատանքի անվտանգության գործակալության (ANSES) 400 էջանոց զեկույցի համաձայն՝ հզոր լուսադիոդային լամպերը «ֆոտոտոքսիկ» են:

ANSES-ը նշում է, որ լուսադիոդային լուսավորության ժամանակ ճառագայթող լույսը կարող է հանգեցնել աչքի ցանցաթաղանթի վնասմանը, ինչպես նաեւ քնի բնական ռիթմերի խախտմանը: Այդ կապակցությամբ գործակալությունը խորհուրդ է տալիս վերանայել լուսադիոդային լամպերի ճառագայթման առավելագույն նորմերը:

Նշվում է, որ բարձր ինտեսիվությամբ լուսադիոդային լուսավորության պարբերական ներգործությունը կարող է աչքի ցանցաթաղանթի ծերացում առաջացնել:

Սա իր հերթին կարող է հանգեցնել տեսողության սրության նվազման եւ որոշ դեգեներատիվ հիվանդությունների, այդ թվում դեղին բծի տարիքային դեգեներացիային:

Ընդ որում նշվում է, որ պլանշետներում, սմարթֆոններում եւ նոութբուքերում LED տեխնոլոգիաները վտանգ չեն ներկայացնում աչքի վնասման տեսանկյունից՝ լուսավորության ցածր աստիճանի շնորհիվ:

Մինչդեռ ստրոբոսկոպիկ ազդեցության  հետեւանքով լուսադիոդային լամպերը կարող են գլխացավ եւ հոգնածություն առաջացնել, ինչպես նաեւ բարձրացնել դժբախտ պատահարների վտանգը:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի