• Latest news

Մարդու պապիլոմա վիրուսի դեմ պատվաստանյութն արդեն 5547 մարդ է ստացել  

16 մայիսի, 2019  14:17

2017 թվականի դեկտեմբերից մարդու պապիլոմա վիրուսի 4 շտամմների դեմ Գարդասիլ-4 պատվաստանյութն արդեն 5547 մարդ է ստացել:

Այս մասին ՀՀ Ազգային ժողովի Առողջապահության եւ սոցիալական հարցերի մշտական հանձնաժողովի քննարկումների ժամանակ ասաց ՀՀ Առողջապահության նախարարության իմունոպրոֆիլակտիկայի ազգային ծրագրի ղեկավար Գայանե Սահակյանը:

Նրա խոսքով՝ 1,557 մարդ պատվաստվել է մինչեւ հունվարի 29-ը, իսկ տարիքային շեմը մինչեւ 45 տարեկանը բարձրացնելուց հետո պատվաստանյութ է ստացել մոտ 4000 քաղաքացի: Ամեն օր ՄՊՎ դեմ պատվաստվում է 80-90 մարդ:

Գայանե Սահակյանի խոսքով՝ Հայաստանում Գարդասիլ-4 պատվաստանյութի շուրջ դեռեւս սարսափի եւ վախի մթնոլորտ կա, որը տարածվում է պատվաստումներին եւ այդ պատվաստանյութին դեմ մարդկանց կողմից: Չնայած դրան՝ պատվաստումը շարունակվում է եւ պատվաստանյութին վստահող մարդկանց թիվը գնալով ավելանում է:

Գայանե Սահակյանը նշեց, որ Հայաստանում այս պահին  պատվաստանյութի 29 հազար դոզա կա, որոնց պիտանելիության ժամկետը մինեւ հոկտեմբերի 13-ն է: Չօգտագործված պատվաստանյութերն, ըստ մասնագետի, երկրում ընդունված կանոնների եւ արձանագրությունների համաձայն ոչնչացվելու են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է